"დიდი გაყალბების დღესასწაული გვაქვს... ნახევარი ტომარა ფქვილის ფასად ისევ გაყიდიან საარჩევნო ხმებს მოქალაქეები..."
ისტორიკოსი გურამ ქართველიშვილი ფეისბუქის საკუთარ გვერდზე შემდეგ შინაარსის სტატუსს აქვეყნებს:
"დღეს დიდი გაყალბების დღესასწაული გვაქვს ქართველებო. კიდევ ერთი მოჩვენებითი არჩევნები ჩატარდება და რომელიმე ,,ლიბერალი,, წამოსკუპტება საქართველოს პრეზიდენტის სავარძელში. დღეს დაირაზმებიან ერის უთავმოყვარეოთა და იუდათა საარჩევნოდ დათრეინინგებული არმიები, ერთ ან ნახევარი ტომარა ფქვილის ფასად ისევ გაყიდიან საარჩევნო ხმებს მოქალაქეები... სულ-ხორციანა გაყიდულები ისევ მოაწყობენ ,,კარუსელებს,, ისევ გამოგლეჯენ ერთმანეთს საარჩევნო ურნებს და უკვე მერამდენედ დაასხამენ წყალს შვილების უბედურ მომავალზე. ზღვა ფული გადაირიცხება არქიფოს ანგარიშებიდან ნასუფრალზე აღზრდილ ,,ერის შვილთა,, ანგარიშებზე, რომელსაც არჩევნების შემდეგ ისევ გაძვალტყავებული ქვეყნის ძარცვით ასმაგად ამოიღებენ ბიძოს ყოჩაღები. ლიბერასტი მედიაც დიდ ფულს ჩაიჯიბავს და ,,გაბრწყინების,, გზაზე შემდგარ ვითომ ქვეყანას ისევ ყველა შვილი უღალატებს, ვინ როგორ და ვინ როგორ, რადგან ამ ბოლო 28 წლის მანძილზე ღალატში ერთობა უფრო გვემარჯვება ქართველებს ვიდრე ქვეყნის საკეთილდღეოდ შეკავშირება.
არჩევნების ჩავლის, მლიქვნელური სუფრების და ,,მტლაშამტლუშის,, შემდეგ კი, პრეზიდენტგანაღდებული და სახელმწიფოგაპრავებული ქართველობა გაათმაგებული ენერგიით გააგრძელებს საქართველოს ფიზიკურ გაყიდვას, გათახსირება-განარკომანებას და ისლამიზაციას. ბანკები ისევ თემურ ლენგისეული სისასტიკით დაღუპავენ ხალხს და გატყაულ ქართველთა ახალი ნაკადები ისევ დატოვებენ სამშობლოს. ისევ მონური მორჩილებით და ფეისბუქური წუწუნით მოვისმენთ ,,ბიძინას ზღაპრებს,, ხოლო პოლიტიკანური ცხოვრება ისევ შავად დაგვიხატავს ქვეყნის მომავალს ინდურ-თურქული და უკვე ორიენტაციითაც ცისფერი ეკრანებიდან.
,,ჩვენისთანა ბედნიერი..."– წერს გურამ ქართველიშვილი.
სიახლეები
- "კანონს ვეტოს ნამდვილად დავადებ, ჩემი ვეტო ხალხის ხმაა" - პრეზიდენტი
- "გამოვლინდა მშვიდობიანი შეკრების თავისუფლებაში უსაფუძვლო ჩარევის შემთხვევები" - ომბუდსმენი
- ვინ დაუჭირა მხარი "უცხოური გავლენის გამჭვირვალობის შესახებ" კანონს პირველი მოსმენით
- "პირობას გაძლევთ, სწორედ „ქართული ოცნების“ პირობებში შევალთ ევროკავშირში" - კახა კალაძე
- "გთავაზობთ საერთო სიის შექმნას არა რომელიმე პარტიის ქვეშ, არამედ ნეიტრალურ პარტიაზე" - მიხეილ სააკაშვილი ოპოზიციას