"არასდროს არ უნდა გეგონოს, რომ უფრო ძლიერი ხარ, ვიდრე ხალხი" –ირმა ინაშვილი
პარლამენტის წევრი ირმა ინაშვილი სოციალურ ქსელში შემდეგი შინაარსის სტატუსს აქვეყნებს:
"როცა ღმერთი გაძლევს ხელისუფლებას და შენს ხელში ხვდება შენი ქვეყნის და ხალხის ბედი, არასდროს, არასდროს არ უნდა წახვიდე ამ ხალხის აზრის, ნების, სურვილის, ზნე-ჩვეულების, რწმენის წინააღმდეგ! არასდროს არ უნდა გეგონოს, რომ უფრო ძლიერი ხარ, ვიდრე ხალხი. არასდროს არ უნდა შეგეშინდეს, რომ დათმო, პოზიცია შეცვალო, ეს უკანდახევა არაა, ეს კომპრომისია შენივე ხალხის სასიკეთოდ, რომელიც დათმობაზე მადლიერებით და სიყვარულით გიპასუხებს.
მაგრამ როცა შენ ხდები შეუვალი, ჯიუტი, დათმობა გგონია მარცხი, ბოროტ ხალხს ამრავლებ შენს ირგვლივ და წესიერ კაცს იმედს უკლავ, თან, რქებით აწვები ხალხის ნებას, საპასუხოდ სიყვარულს ვეღარ მიიღებ.
ისიც უნდა გესმოდეს, რომ როცა შენი პირადი კეთილდღეობისთვის ზრუნავ და მაგალითად, შენი სახლის წინ ხე დარგე, ეს ხე ყველა იმ შენი მოქალაქის სახლის წინაც უნდა დარგო, ვისაც სუფთა ჰაერი უნდა. მარტო შენ გქონდეს ჟანგბადი და შენს ხალხს- არა, ე.ი. ვერა ხარ კარგი ხელისუფალი.
უნდა შეეცადო, რომ იყო კარგი, ვიდრე ღმერთი გაძლევს ხელისუფლებას.
თითქოს მარტივია ეს ყველაფერი. არადა, კარგად იწყება და ცუდად სრულდება ხოლმე."– წერს ირმა ინაშვილი.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს
