წყლის ნაყვაა, რასაც დავწერ, მაგრამ დღეს ხელისუფლება უნდა იდგეს, აგროვებდეს იმ ფოტოებს და ვიდეოებს, რაც საქართველოში რუსეთის მიერ გამოვლენილ ფაშიზმს მოჰყვა 1991-92 წლებში და 2008 წელს, საქართველოში შეფარებულ და საქართველოს მოქალაქე ქისტებთან უნდა აგროვებდეს კადრებს, რასაც აკეთებდნენ რუსები ჩეჩნეთში და მერე ცალკე თბილისში მყოფ უცხოელ ელჩებს უნდა იწვევდნენ და აჩვენებდნენ, - წერს სოციალურ ქსელში ანალიტიკოსი არჩილ გამზარდია.
პარტია „საქართველოსთვის“ ლიდერი გიორგი გახარია აცხადებს, არჩილ ტატუნაშვილის გმირობა მაგალითია თითოეული ჩვენგანისთვის თუ როგორ უნდა გვიყვარდეს საკუთარი სამშობლო.
არაფრით მომწონს პრეზიდენტ ზელენსკის გადაწყვეტილება საქართველოდან უკრაინის ელჩის გაწვევის თაობაზე. ქვეყანა სანქციებს არ შეუერთდაო. ეს არის მიზეზი? ალოგიკურია, - ამის შესახებ სოციალურ ქსელში ფოტოხელოვანი გოგა ჩანადირი წერს.
"არც მისი მეზობელი მოლდოვა შეუერთდა სანქციებს, არც ჩინეთი, არც ბრაზილია, არგენტინა, ყაზახეთი, სომხეთი და კიდევ უამრავი ქვეყანა და მაშ სად არის ლოგიკა? იქიდან ელჩები რატომ არ გაიწვია?
ბელარუსი სულაც რუსეთს ეხმარება და ელჩი იქაც კი დატოვა.
არც ერთ ხსენებულ ქვეყანას იმაზე მეტი არ გაუკეთებია უკრაინისთვის, რამდენიც საქართველომ და ქართველმა ხალხმა.
არც ერთ ქვეყანას იმაზე დიდი სიმწარე არ განუცდია რუსეთისგან, როგორც საქართველომ.
არც ერთ ქვეყანას იმხელა მსხვერპლი არ გაუღია უკრაინისთვის, რამდენიც საქართველომ.
არც ერთი ქვეყნის მებრძოლი მოხალისე არ არის უკრაინაში, რამდენიც ქართველია.
რა საქციელია ეს ზელენსკისგან?
არ მომწონს და უკვე ეჭვიც მაქვს, რომ ერთგვარი ნაბიჯია საქართველოს ომში ჩასათრევად, მეორე ფრონტის გახსნის დასაქოქად,"- წერს გოგა ჩანადირი.
შეგახსენებთ, რომ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა, რომ ხელს აწერს საქართველოდან ელჩის გაწვევას. მან რამდენიმე მიზეზი დაასახელა.
„არიან ისეთები, რომლებიც მუშაობენ სხვებთან ერთად სახელმწიფოს დაცვაზე, თუმცა არიან ისეთები, რომლებიც კარგავენ დროს და მუშაობენ მხოლოდ იმაზე, რომ დარჩნენ თანამდებობებზე. არ იქნება იარაღი, არ იქნება სანქციები, არ იქნება შეზღუდვები რუსეთის ბიზნესისთვის - მოძებნეთ სხვა სამსახური", - განაცხადა ზელენსკიმ.
ხდება ზუსტად ის, რაზეც ბოლო 1 წლის განმავლობაში ყველას ვაფრთხილებდი, - ამის შესახებ სოციალურ ქსელში საქართველოს მესამე პრეზიდენტი მიხეილ სააკაშვილი წერს.
ლეგენდად ქცეული მარიუპოლი გმირულად დგას ბოლომდე! ქუჩის ძალიან მძიმე ბრძოლებში ჩვენები ანადგურებენ ფაშისტებს! ბორის ჯონსონმა განაცხადა, რომ ისეთ შეიარაღებას მიაწვდიან უკრაინას, რაც მარიუპოლს ამოსუნთქვის საშუალებას მისცემს! - ამის შესახებ სოციალურ ქსელში ალექსი პეტრიაშვილი წერს.
ქართველები ძალიან მგრძნობიარეები ვართ. უცებ გვწყინს. როგორც ჩანს, ზელენსკიც მგრძნობიარეა და ჩვენგან განსაკუთრებით სწყინს, ამიტომ გაიწვია ელჩი, - ამის შესახებ სოციალურ ქსელში ფსიქოლოგი ნათია ფანჯიკიძე წერს.