"ჩვენმა მცველმა რთული მეტოქის წინააღმდეგ კარგად ითამაშა"- „აიაქსის“ მწვრთნელი კვარაცხელიაზე
„აიაქსის“ მწვრთნელმა ალფრედ შრედერმა „ნაპოლისთან“ 2:4 წაგების შემდეგ უცნაური განცხადებები გააკეთა. მისი თქმით, ამსტერდამელმა მოთამაშეებმა თამაში კარგად ჩაატარეს, ხოლო ხვიჩა კვარაცხელიას წინააღმდეგ, რომელიც მატჩის საუკეთესო მოთამაშედ აღიარეს, თავისმა მცველმა კარგად ითამაშა.
„ვფიქრობ, ჩვენ ბევრად უკეთესები ვიყავით დაცვაში, ვიდრე პირველ შეხვედრაში და საერთოდ, ვფიქრობ, კარგი თამაში ჩავატარეთ. შეიძლება ეს სიგიჟედ მოგეჩვენოთ, როცა 2:4 ანგარიშით მარცხდები, მაგრამ ჩვენი მეტოქე ნამდვილად კარგი გუნდი იყო. ეს უნდა გაითვალისწინოთ. ის სიჩქარე, ენერგია, ტემპი, რომლითაც „ნაპოლი“ თამაშობს, უბრალოდ ძალიან მაღალია. თქვენ ხედავთ, რომ მათ ის თვისებები გააჩნიათ, რომ ამ დონეზე შეცდომებისთვის ნებისმიერ მეტოქეს სჯიან. მაგრამ მე ვნახე გუნდი, რომელიც ბოლო წუთამდე იბრძოდა. სამწუხაროდ, იტალიელები უფრო ეფექტურები იყვნენ“, – თქვა შრედერმა.
„აიაქსის“ მწვრთნელმა ასევე შეაქო მცველები, მათ შორის მარჯვენა ფლანგზე მყოფი მექსიკელი ხორხე სანჩესის.
„ვფიქრობ, ხორხემ კარგად ითამაშა. თქვენ ხედავთ, რომ მას აქვს მენტალიტეტი, რომელიც ჩვენ გვჭირდება. ვფიქრობ, რომ მან კარგად ითამაშა ძალიან რთული მეტოქის წინააღმდეგ“.
„შრედერმა რთულ მეტოქეში იგულისხმა ხვიჩა კვარაცხელია, რომელმაც პენალტიდან ანგარიში 3:1 გახადა. ის „ნაპოლის“ ქართველი აღმოჩენაა“, – წერს „Algemeen Dagblad“.
ნიდერლანდურმა ყოველდღიურმა გამოცემამ ამით მიანიშნა, რომ შრიოდერის კომენტარი არადექვატურად ჩანდა. ფაქტია, რომ კვარაცხელია „ნაპოლი“-„აიაქსის“ მატჩის საუკეთესო მოთაამშედ უეფამ დაასახელა.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"