მოსკოვში გამართულ მსოფლიო თასზე ქართველმა სამბისტებმა ხუთი სხვადასხვა სინჯის მედალი მოიპოვეს
მოსკოვში გამართულ მსოფლიო თასის გათამაშებაზე ქართველმა სამბისტებმა ხუთი სხვადასხვა სინჯის მედალი მოიპოვეს.
„ხარლამპიევის მემორიალზე“ საქართველოს ნაკრების წევრთაგან ოქროს მედლები მსოფლიოსა და ევროპის ორგზის ჩემპიონმა, ნინო ოძელაშვილმა და ევროპის ჩემპიონმა ბექა ბერძენიშვილმა მოიპოვეს.
72 კილოგრამ წონით კატეგორიის ფინალში ოძელაშვილმა ბელარუსი მოჭიდავე ანჟელა ჟილინსკაია დაამარცხა, ფინალში გადასასვლელ შეხვედრაში კი რუს ოლგა ზახარცოვას სძლია.
ბერძენიშვილმა კი ტურნირის ფინალური დაპირისპირება მოლდოველ დენის ტაჩის მოუგო.
ბრინჯაოს მედლები მსოფლიოს მოქმედმა ჩემპიონმა ელენე ქებაძემ (+80 კგ), სალომე აბაშიძემ (60 კგ) და ბექა ბერულავამ (82 კგ) დაისაკუთრეს.
„ხარლამპიევის მემორიალზე“ საქართველო სამმა სამბისტმა გოგონამ წარმოადგინა და სამივე მათგანი მედლის მფლობელი გახდა. ქართველი გოგონები გუნდურ ჩათვლაში მესამე ადგილზე გავიდნენ.
1tv.ge
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი