March 28, 2024

გოგრის სამარხვო წვნიანი ქონდრითა და თაფლით - სეზონის აღმოჩენა

გოგრა, თავისი სასარგებლო თვისებებით, კულინარიაში შემოდგომა-ზამთრის დედოფალია.

რაც მთავარია, ფასის მხრივ ხელმისაწვდომია და უზომოდ გემრიელია! ეს რეცეპტი კი თქვენთვის ნამდვილად აღმოჩენად იქცევა. ასე რომ, შეუდექით...

 

შემადგენლობა (2 პორციისთვის):

გოგრა (გაწმენდილი) - 600 გრ;
ხახვი - 40 გრ;
ქონდარი (ნედლი) - 4 გრ. (2 ღერო);
ზეთი - 30 მლ;
წყალი - 2 ლ;
კარტოფილი - 200 გრ;
თაფლი - 30 გრ;
მარილი - გემოვნებით;


მოსართავად:
რეჰანი - 2-3 ფოთოლი;
ზეითუნის ზეთი - 2მკ. პორციაზე.




მომზადება:


1. გაწმენდილი გოგრა დაჭერით ერთნაირი ზომის კუბიკებად, გაახვიეთ ფოლგის ქაღალდში და 40 წუთით შედეთ 200°С-ზე გახურებულ ღუმელში;


2. ხახვი, სტაფილო და ქონდარი წვრილად დაჭერით, ზეთჩასხმულ ქვაბში ჩაყარეთ და მსუბუქად შეწვით;


3. შემდეგ ქვაბში დაამატეთ წყალი და დაჭრილი კარტოფილი და დაბალ ცეცხლზე ხარშეთ, სანამ ბოსტნეული მზად არ იქნება. ხარშვის ბოლოს ჩაამატეთ ღუმელიდან გამოღებული გოგრა, თაფლი და მარილი;


4. მომზადებული წვნიანი დააბლენდერეთ და შემდეგ წვრილ საცერში გაატარეთ;


5. სუფრასთან მიტანის წინ თეფშზე დასხმულ წვნიანს დაადეთ რეჰანის ფოთლები და დააწვეთეთ ზეითუნის ზეთი.



გემრიელად მიირთვით!

წაკითხვა 625 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.