ტორტი სენდვიჩი - ორიგინალური, ეფექტური და გემრიელი

კულინარია ივლისი 07 2020 font size შრიფტის დაპატარავება increase font size

ასეთი ორიგინალური და ეფექტური ტორტი-სენდვიჩით აუცილებლად აღაფრთოვანებთ სტუმრებს.

გარდა იმისა რომ ძალიან გემრიელია, ასევე ძალიან ლამაზია. ინგრედიენტები შეგიძლიათ თქვენი სურვილით შეცვალოთ ან გაამრავალფეროვნოთ.

ინგრედიენტები

მრგვალი პური
კრემ-ყველი (cream cheese) - 250-300 გ
არაჟანი - 100 გ
კიტრი - 2 ცალი
შებოლილი ან დამარილებული ორაგული - 150 გ
კამა
ლიმონის წვენი - 1 ს.კ
მარილი
ჩერი პომიდორი
მწვანე ხახვი

მომზადების წესები

შეურიეთ ერთმანეთს 150 გ კრემ-ყველი, დაჭრილი კამა, ლიმონის წვენი, ცოტა მარილი და აურიეთ. კიტრი ძალიან თხლად დაჭერით. მრგვალ პურს (უმჯობესია წინა დღის) , მოაჭერით ქერქი და შუაგული ტორტის ბისკვიტივით გაჭერით 5 თხელ ფენად. დადეთ თეფშზე ერთი ფირფიტა, წაუსვით კრემ-ყველის თხელი ფენა და დაალაგეთ კიტრი. დაადეთ მეორე ფენა პური, კვლავ წაუსვით კრემის თხელი ფენა და ამჯერად დაალაგეთ შებოლილი ან დამარილებული ორაგული. გაიმეორეთ ფენები ისევ კიტრით და ორაგულით. მეხუთე ფენას არაფერი დაადოთ .

შეურიეთ ერთმანეთს კრემ-ყველის მეორე ნაწილი და არაჟანი. ეს ნარევი გადაუსვით "ტორტს" ზემოდან და გვერდებზე.

ზემოდან გააფორმეთ დაჭრილი ჩერი პომიდვრით და ბოლოკის ფირფიტებით, გვერდებზე კი მწვანე ხახვის ღერებით. მირთმევამდე შეინახეთ მაცივარში.

https://gemrielia.ge/

წაკითხვა 1065 ჯერ განახლდა განახლდა ივლისი 07 2020