მოჰიტო

კოქტეილი მოჰიტო საკმაოდ პოპულარული სასმელია, მსუბუქი, სასიამოვნო მოტკბო მენთოლის გემოთი. მის მოსამზადებლად დაგჭირდებათ:
ახალი პიტნა 10 გრ,
ლაიმი 1 ც,
ტონიკი 40 მლ,
შაქრის სიროფი 10 გრ,
თეთრი რომი 80 გრ და ყინულის ნატეხები.

პიტნის ღერები ჩაჭყლიტეთ მაღალ ჭიქაში შაქართან ერთად, ჩაასხით ლაიმის ან ლიმნის წვენი და რამდენიმე ნაჭერიც ჩააგდეთ შიგნით. პატარა ნატეხებად დატეხეთ ყინული და აავსეთ ჭიქა. შემდეგ ჩაასხით რომი და მოურიეთ, მერე დაამატეთ ტონიკი, გააფრმეთ პიტნის ფოთლებით, ასევე სილამაზისთვის დაამაგრეთ ჭიქას ლიმნის ნაჭერი, ჩადეთ კოქტეილის მილი და მოჰიტოც მზადაა. ეს კოქტეილი უნდა მიირთვათ სანამ ყინული გადნება, რათა გემო არ დაკარგოს.

კოსმოპოლიტენი

ამ კოქტეილის დასამზადელად დაგჭირდებათ:
არაყი 40 მლ,
ლიქიორი კუანტრო 20 მლ,
ლაიმი ან ლიმონი 35 გრ,
შტროშის წოწოქურა 10 მლ,
ყინულის ნატეხები 250 გრ.

აიღეთ მარტინის ბოკალი გააგრილეთ, შემდეგ გაფორმებისთვის სალფეთქზე დაყარეთ შაქარი და ბოკალის პირი ნელი მოძრაობით დაატრიალეთ მასში ისე, რომ პირზე ირგვლივ მთლიანად მიეკრას შაქარი. ზემოთ ჩამოთვლილი ინგრედიენტები ყინულთან ერთად ათქვიფეთ შეიკერში და დაასხით წინასწარ გაგრილებულ და გამზადებულ ბოკალში. სურვილისამებრ გააფორმეთ და ბოკლის პირზე დაამაგრეთ ლაიმი ან სხვა, რომელიმე ხილი და კოსმოპოლიტენიც მზადაა.

პინაკოლადა

ეს კოქტეილი მსუბუქი დასალევია და აქვს სასიამოვნო გემო, მის მოსამზადებლად კი საჭიროა:
თეთრი რომი 60 მლ,
შავი რომი 15 მლ,
ქოქსის სიროფი 50 მლ,
ანანასის წვენი 100 გრ,
ლაიმი 10 გრ,
ანანასის ნაჭერი,
ყინული,
ამ ყველაფერს ყინულთან ერთად მოათავსებთ ბლენდერში, დააბლენდერებთ და დაასხავთ ჭიქაში. გაფორმებისთვის ანანასის ნაჭერი დაამაგრეთ ჭიქის პირზე, ჩადეთ კოქტეილის მილი და არაჩვეულებრივი პინაკოლადაც მზადაა.

ტეკილა სანრაიზი

ტეკილა სანაიზი საკმაოდ პოპულარული და მოთხოვნადი კოქტეილია რესტორანსა და ბარებში. მისი სახელი მზის ამოსვლას ნიშნავს და ვიზუალიც სწორედ ასეთი აქვს. მის მოსამზადებლად დაგჭირდებათ:

ტეკილა 40 მლ,
ფორთოხლის წვენი 90 მლ,
გრენადინის სიროფი 15 მლ,
ყინული,
ჩაყარეთ ბოკალში ყინული, ჩაასხით 40 მლ ტეკილა, დაამატეთ 90 მლ ფორთოხლის წვენი და 15 მლ გრენადინის სიროფი.გააფორმეთ ფორთოხლის ნაჭერით, როგორც ხედავთ საკმაოდ ადვილი მოსამზადებელია, გამოიყურება ლამაზად და სასიამოვნო დასალევია.

მარგარიტა

ამ კოქტეილდებლად მოსამზადებლად კი დაგჭირდებათ:

ტეკილა 35 გრ,
ლიქიორი კუანტრო 20 მლ,
ლიმნის ან ლაიმის წვენი 15 მლ,

ჩაყარეთ შეიკერში ყინული და ზემოთ ჩამოთვლილი ინგრედიენტები და ათქვიფეთ. აიღეთ ჭიქა და პირზე წაუსვით ლიმონი, შემდეგ კი თეფშზე დაყარეთ მარილი და ლიმონ წასმული პირი მოავლეთ მარილში რათა მიეკრას ჭიქის კიდეებს. ჩაყარეთ ამ ჭიქაში ყინული და დაასხით შეიკერში ათქვეფილი კოქტეილი. გააფორმეთ ლიმნის ან ლაიმის ნაჭერით.

სექსი პლიაჟზე

ამ კოქტეილის სახელი თავიდან ,,მხიარულება პლიაჟზე” იყო და შემდეგ შეიცვალა და დაერქვა ,,სექსი პლიაჟზე” ასევე საკმაოდ პოპულარულია და მის მოსამზადებლად საჭიროა:

არაყი 40 მლ,
ფორთოხლის წვენი 40 მლ,
მოცვის წვენი 40 მლ,
ატმის ლიქიორი 20 მლ,

ჩაყარეთ შეიკერში ყინული, დაამატეთ ატმის ლიქიორი, ფორთოხლის და მოცვის წვენი. ათქვიფეთ და ყინულთან ერთად დაასხით ბოკალში, მორთეთ ფორთოხლის ნაჭერით ან ანანასით.

ეს არის ნაწილი იმ კოქტეილების რეცეპტებისა, რომლებიც საკმაოდ პოპულარული და საყვარელი სასმელია მრავალი ადამიანისთვის. მოამზადეთ, ისიამოვნეთ და გაუმასპინძლდით მეგობრებს.

ihow.ge