როდის გახდება ცნობილი მასწავლებლების, მაგისტრანტთა და აბიტურიენტთა გამოცდების საბოლოო შედეგები?
2018 წლისათვის აბიტურიენტების ყველა საგნის გამოცდის შედეგი ცნობილია, თუმცა ჯერჯერობით უცნობი რჩება მასწავლებელთა სასერტიფიკაციო და მაგისტრანტთა გამოცდების შედეგები. შეფასებისა და გამოცდების ეროვნული ცენტრის ინფორმაციით, აღნიშნული შეფასებები მომდევნო კვირიდან ეტაპობრივად გახდება ცნობილი.
21 ათასამდე მასწავლებელს, ქულების გაგების შემდეგ, საშუალება მიეცემა, გაასაჩივროს ნაშრომები. საბოლოო შედეგები კი, სავარაუდოდ, აგვისტოს ბოლო რიცხვებამდე უნდა გამოქვეყნდეს.
რაც შეეხება მოქმედ მასწავლებელთათვის შიდა ბარიერებს, გასული წლების მსგავსად, არ მოხსნილა. მასწავლებლის სახლის ცნობით:
„მასწავლებელმა შიდა ზღვარი უნდა გადაილახოს და ჯამური ქულები რაც ჯდება ყველაში გადალახვის შემდეგ, იწყება ანგარიში ამ ჯამური ქულებიდან გამომდინარე რამდენი კრედიტი დააგროვა.“
რაც შეეხება მაგისტრანტებს, მათი შედეგების განთავსება აგვისტოს შუა რიცხვებიდან დაიწყება. როგორც შეფასებისა და გამოცდების ეროვნული ცენტრი ამბობს, ტესტური და წერითი დავალებების შედეგები ერთად გახდება ცნობილი.
აბიტურიენტებს ნაშრომების გასაჩივრება 15 აგვისტომდე შეეძლებათ. ამის შემდეგ გამოქვეყნდება აპელაციის შედეგები, სხვადასხვა საგნის სტატისტიკური მონაცემები და სკალირებული ქულები. აგვისტოს ბოლოს კი დაიდება ინფორმაცია ჩარიცხვების შესახებ.
წყარო: edu.aris.ge
სიახლეები
- სამარხვო ტორტი
- " ჩვენ აღარ გვჭირდება დამხობა, ან რადიკალური გადაწყვეტილებები - ჩვენი გზა ევროპისკენ - არჩევნების თემა ეს იქნება" - სალომე ზურაბიშვილი
- "რუსეთმა დაიწყო ჰიბრიდული სტრატეგია და ცდილობს, შეგვაჩეროს ევროკავშირში გაწევრიანების გზაზე და მათ, ცხადია, ეხმარება დღევანდელი ხელისუფლება - ეს არის რუსული კანონი, პუტინის კანონის ზუსტი ასლი" - პრეზიდენტი
- "ვინმე და რამე სამოქალაქო საზოგადოებას თუ აზიანებს, ეს არიან არასამთავრობო სექტორს ამოფარებული პარტიები, პოლიტიკაში ყოფნა უნდათ, მაგრამ გამოჩენა - არა" - არჩილ თალაკვაძე
- 18-მდე გაიზარდა ჩერნიგოვზე რუსეთის სარაკეტო დარტყმის შედეგად დაღუპულთა რიცხვი