,,ბევრი მუშაობაა საჭირო, რომ საზოგადოებამ გააცნობიეროს, რამდენად მნიშვნელოვანია დემოკრატიული ფასეულობები''-ხატია ჩხეტიანი
ქუთაისში, დემოკრატიის საერთაშორისო დღესთან დაკავშირებით, საჯარო დისკუსია გაიმართა. ღონისძიება ,,აღმოსავლეთ ევროპის მრავალპარტიული დემოკრატიის ცენტრის'' (EECMD) ოფისში მოეწყო.
შეხვედრაზე ისაუბრეს ისეთ თემებზე, როგორებიცაა: რა გზა გამოიარა დემოკრატიამ ათენური პოლისებიდან თანამედროვეობამდე; რა ძალისხმევას ხარჯავენ სახელმწიფოები დემოკრატიის მისაღწევად; როგორია დემოკრატიისა და ლიბერალიზმის თანაარსებობა; რა გავლენა იქონია დემოკრატიზაციის მესამე ტალღამ პოსტ-საბჭოთა სივრცის ქვეყნებზე; რა უარყოფით როლს ასრულებს რუსული იდეოლოგიური ბარიერები ქართული დემოკრატიის მშენებლობის გზაზე და ა.შ.
დისკუსიას საქართველოს ადვოკატთა ასოციაციის ტრენერი, ხატია ჩხეტიანი უძღვებოდა. მისი თქმით, დისკუსიის მიზანი საზოგადოებისთვის დემოკრატიის არსის მნიშვნელობის და დემოკრატიული ღირებულებების გაცნობა იყო.
,,დღეს გაეროს წევრი სახელმწიფოები დემოკრატიის საერთაშორისო დღეს აღნიშნავენ, ჩვენც ვუერთდებით მათ. გადავწყვიტეთ დაინტერესებულ პირებს მივაწოდოთ ინფორმაცია დემოკრატიის შესახებ. ვისაუბრებთ რა არის დემოკრატია, რა მნიშვნელობა აქვს ჩვენი ქვეყნისთვის დემოკრატიის მშენებლობას და შეძლებისდაგვარად, გავაქარწყლებთ მითებს, რომლებიც დემოკრატიას იმიჯს ულახავს. დღევანდელი საზოგადოება ამ ტერმინის არსში გარკვეულ დონეზე ერკვევა, მაგრამ კიდევ ბევრი მუშაობაა საჭირო, რომ საზოგადოების თითოეულ წევრამა გააცნობიეროს მისი ღირებულება. მათ უნდა გააანალიზონ, რამდენად მნიშვნელოვანია დემოკრატიული ფასეულობები ჩვენი სახელმწიფოსთვის''- აღნიშნა ჩხეტიანმა.
ღონისძიებას არასამთავრობო სექტორის წარმომადგენლები, სტუდენტები, მოსწავლეები და სხვა დაინტერესებული პირები ესწრებოდნენ. მათი განმარტებით, მსგავსი ტიპის ტრენინგები საზოგადოების ცნობიერების ამაღლებას და აქტიურ მოქალაქეებად ჩამოყალიბებას ემსახურება.
,,ეს დისკუსია ჩემთვის საინტერესო თემას ეხება, მე მოვისმენ უამრავ ინფორმაციას დემოკრატიის შესახებ და ჩემს თანატოლებს და ჩემზე უფროსებსაც გავუზიარებ ჩემს გამოცდილებას. 2013 წლიდან აქტიურად ვესწრები მსგავსი ტიპის სემინარებს. სწორედ ამ სემინარების და არასამთავრობო ორგანიზაციების დამსახურებაა, რომ გავხდი პასუხისმგებლობის მქონე მოქალაქე და ჩამოვყალიბდი სამოქალაქო აქტივისტად,''-აღნიშნა შეხვედრის მონაწილემ, გიორგი აბესაძემ.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე