March 28, 2024

რას სთავაზობს ქუთაისის საერთაშორისო უნივერსიტეტი ქართველ და უცხოელ სტუდენტებს

ქუთაისის საუნივერსიტეტო ქალაქი ქუთაისთან ახლოს, ეკოლოგიურად სუფთა გარემოში მდებარეობს. კამპუსი 150 ჰექტარ მიწის ნაკვეთზეა გაშენებული.

ამ ეტაპზე უნივერსიტეტის ინფრასტრუქტურა სწრაფი ტემპებით ვითარდება და მოიცავს სრულად აღჭურვილ აკადემიურ კორპუსებს, სტუდენტურ საცხოვრებლებს, ბიბლიოთეკებს, კაფეტერიებს, კეთილმოწყობილ სპორტისა და საგზაო ინფრასტრუქტურას, საერთო სამუშაო სივრცეებს, საცხოვრებლებს აკადემიური და ადმინისტრაციული პერსონალისთვის. საუნივერსიტეტო ქალაქის განვითარება და მშენებლობა ეტაპობრივად, ახალი კამპუსებისა და პროგრამების დამატების პარარელურად გაგრძელდება.

 

ქუთაისის საუნივერსიტეტო ქალაქის განვითარებისთვის საერთაშორისო-საქველმოქმედო ფონდი „ქართუს“ მიერ ერთი მილიარდი ევროა გამოყოფილი და იგი სრულად ხმარდება უნიკალური საგანმანათლებლო ჰაბის მშენებლობას საქართველოში, რომლის ანალოგიც რეგიონში არ არის.

 

ქუთაისის საერთაშორისო უნივერსიტეტის (KIU) პარტნიორი მიუნხენის ტექნიკური უნივერსიტეტია (TUM). KIU-ს საპატიო პრეზიდენტი კი TUM-ის ყოფილი პრეზიდენტი, პროფესორი ვოლფგანგ ა. ჰერმანია. აკადემიური პერსონალი შედგება, როგორც ადგილობრივი, ისე უცხოელი პროფესორ-მასწავლებლებისგან.

 

ქუთაისის საერთაშორისო უნივერსიტეტი (KIU) სტუდენტების პირველ ნაკადს 2020 წელს მიიღებს მათემატიკის, მენეჯმენტისა და კომპიუტერული მეცნიერების საბაკალავრო პროგრამებზე. უნივერსიტეტში ჩარიცხვა ერთიანი ეროვნული გამოცდების საფუძველზე მოხდება, ხოლო წარჩინებული სტუდენტებისთვის გათვალისწინებულია სასწავლო და საცხოვრებელი გრანტები. ასევე, მათთვის დაგეგმილია სხვადასხვა სასტიპენდიო და გაცვლითი პროგრამები.

 

ქუთაისის საერთაშორისო უნივერსიტეტი ქართველ და უცხოელ სტუდენტებს სთავაზობს: თანამედროვე  ინოვაციურ  საგანმანათლებლო  პროგრამებს, ევროპული  სტანდარტის განათლებას, ინტერდისციპლინურ  პროგრამებს, ცოდნის  გამოყენებაზე ორიენტირებულ სწავლებას, სტუდენტების სტარტაპების ხელშეწყობის პროგრამებს, მულტიკულტურულ  სტუდენტურ გარემოს, საერთაშორისო  აკადემიურ პერსონალს, ელექტრონულ და ინტერაქტიულ სწავლებას.

 

საკონტაქტო ინფორმაცია:

https://kiu.edu.ge/

https://www.facebook.com/KutaisiInternationalUniversity/

 

წაკითხვა 775 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.