March 29, 2024

ერთიანი ეროვნული გამოცდები დაიწყო

საქართველოში ერთიანი ეროვნული გამოცდები მიმდინარეობს. 

ქვეყნის მასშტაბით გახსნილ 24 საგამოცდო ცენტრში აბიტურიენტთა რეგისტრაცია 08:00 საათზე, ხოლო გამოცდა 09:00 საათზე დაიწყო.

 

წინა წლისგან განსხვავებით, კორონავირუსის პანდემიის გამო, აბიტურიენტებმა რეგისტრაციის პროცესი წელს დისტანციის დაცვით გაიარეს. საგამოცდო ცენტრებში შესვლამდე მათ თერმოსკრინინგი ჩაუტარდათ.

 

აბიტურიენტები დღეს ქართული ენისა და ლიტერატურის გამოცდას აბარებენ.

 

საგამოცდო პროცესში რეგისტრაციას შეფასებისა და გამოცდების ეროვნული ცენტრის ხელმძღვანელი სოფო გორგოძე გაეცნო. მისი განცხადებით, ყველა საგამოცდო ცენტრი შეუფერხებლად გაიხსნა.

 

,,დღეს დაიწყო ერთიანი ეროვნული გამოცდები. მინდა წარმატება ვუსურვო ყველა აბიტურიენტს. ისინი პირველ რიგში, განთავსდებიან დისტანციის დაცვით ეზოში და ეტაპობრივად გადავლენ სექტორებში, სექტორებში შესვლის წინ გაივლიან დეზობარიერებს, თერმოსკრინინგს, ამის შემდეგ მათ შეამოწმებს დაცვის პოლიცია, რომ არ შეყვეთ რომელიმე ნივთი, რომელიც არ არის დაშვებული", - განაცხადა გორგოძემ.

 

მისივე თქმით, ოკუპირებულ ტერიტორიებში მცხოვრები აბიტურიენტებისთვის ალტერნატიული წესი მოქმედებს.

 

,,ისინი თუ ვერ მოახერხებენ დღეს გამოცდაში მონაწილეობას, ალტერნატიული წესით ჩაირიცხებიან, ამიტომ, ამ მხრივ პრობლემა არ ექნებათ. მომავალი სამი დღე იქნება ქართულის გამოცდა. იცით, რომ დღეების რაოდენობა გახანგრძლივდა, ამიტომ დიდი ხნის განმავლობაში მიმდინარეობს თითოეული გამოცდა", - განაცხადა სოფო გორგოძემ.

წაკითხვა 472 ჯერ განახლდა განახლდა ივლისი 06 2020

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.