March 28, 2024

"დაახლოებით ერთ წელიწადში წყალტუბოს პროფესიული კოლეჯი ექნება"- ზვიად შალამბერიძე

იმერეთში სახელმწიფო რწმუნებულის  ზვიად შალამბერიძის განცხადებით, დაახლოებით ერთ წელიწადში წყალტუბოს პროფესიული კოლეჯი აშენდება.

მისი თქმით, კოლეჯში ყველა მსურველს ექნება შესაძლებლობა, განათლება უფასოდ მიიღოს.

 

"დაახლოებით ერთ წელიწადში წყალტუბოს პროფესიული კოლეჯი ექნება, რომლის მშენებლობა უკვე დავიწყეთ. ეს არის იმ დიდი პროექტის ნაწილი, რომელიც გასულ წელს დაანონსდა. პროფესიული კოლეჯი სასტუმრო და სარესტორნო ბიზნესში დასაქმებულებს გადაამზადებს, რომლებიც პირველ რიგში, რა თქმა უნდა, იმუშავებენ იმ სანატორიუმებსა და სასტუმროებში, რომლიც რეაბილიტაციას წყალტუბოში განხორციელდება. კოლეჯი ფუნქციონირებას დაახლოებით მომავალი წლის ბოლოს დაიწყებს და ყველა მსურველს ექნება შესაძლებლობა, შესაბამისი განათლება უფასოდ მიიღოს.

 

ჩვენ ვფიქრობთ, რეგიონებში სხვადასხვა ადგილზე კოლეჯების ამოქმედებას. უკვე ვიწყებთ სამტრედიაში, დიდი ჯიხაიშის კოლეჯის რეაბილიტაციას, რომლისთვისაც 5 600 000 ლარია გამოყოფილი, რომელიც პროფილით იქნება აგრარული.ზესტაფონში ფუნქციონირებს კოლეჯი, რომელიც მშენებლების პროფილით ამზადებს მოქალაქეებს. რა თქმა უნდა, აღნიშნულ კოლეჯებში განათლების მიღება არა მხოლოდ ამ რაიონების მოქალაქეებს, არამედ ყველა მსურველს შეუძლია. ყველა კოლეჯში სტუდენტების საცხოვრებლად შესაბამისი ოთახები იქნება", - განაცხადა ხვიად შალამბერიძემ.

 

ინფორმაციას იმერეთში სახელმწიფო რწმუნებულის პრესსამსახური ავრცელებს.

წაკითხვა 489 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.