არ მჯერა, რომ ვირუსი ღამურიდან ადამიანს გადაეცა - რობერტ რედფილდი
აშშ-ის დაავადებათა კონტროლის ცენტრის ყოფილი ხელმძღვანელი ვარაუდობს, რომ კორონავირუსი ქალაქ უხანის ლაბორატორიიდან გავრცელდა. ამის შესახებ განცხადება რობერტ რედფილდმა „სიენენთან“ ექსკლუზიურ ინტერვიუში გააკეთა.
„ეს ჩემი მოსაზრებაა, მაგრამ მე ვირუსოლოგი ვარ და მთელი ცხოვრება ვირუსების შესწავლას მივუძღვენი. მე არ მჯერა, რომ ვირუსი ღამურიდან ადამიანს გადაეცა და ამ მომენტში იქცა ერთ-ერთ ყველაზე გადამდებ ვირუსად კაცობრიობის ისტორიაში. ჯერ კიდევ ვვარაუდობ, რომ ყველაზე რეალური თეორიაა, რომ ის ლაბორატორიიდან გავრცელდა“, – განაცხადა რედფილდმა.
მისივე თქმით, „ჩვეულებრივ, ბუნებრივ პირობებში ვირუსს გარკვეული დრო სჭირდება, რათა ის ეფექტურად გადაეცეს ადამიანიდან ადამიანს“.
ამავე ინტერვიუში რედფილდმა გამოთქვა ვარაუდი, რომ კორონავირუსი ჩინეთში 2019 წლის შემოდგომიდან გავრცელდა.
„ასეთია ჩემი შეგრძნება, ეს ჩემი მოსაზრებაა“, – განაცხადა ვირუსოლოგმა.
რობერტ რედფილდი აშშ-ის დაავადებათა კონტროლის ცენტრის დირექტორად აშშ-ის ყოფილი პრეზიდენტის დონალდ ტრამპის პერიოდში მუშაობდა.
აღსანიშნავია, რომ „სიენენთან“ ინტერვიუში რედფილდს არ წარმოუდგენია ან დაუსახელებია არც ერთი მტკიცებულება, რომელიც გაამყარებდა თეორიას, რომ კორონავირუსი ჩინეთის ქალაქ უხანის ლაბორატორიიდან გავრცელდა.
პეკინში ამ თეორიას კატეგორიულად უარყოფენ. ჯანდაცვის მსოფლიო ორგანიზაციაში აცხადებენ, რომ ვირუსის ლაბორატორიიდან გავრცელების დამადასტურებელი ფაქტები არ არსებობს.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"