ავღანეთში გოგონების პედაგოგები მხოლოდ ქალები იქნებიან
ავღანელი სტუდენტი გოგონები უნივერსიტეტში სწავლას მხოლოდ იმ პირობით შეძლებენ, თუ მამაკაცებთან ერთად ერთ ოთახში არ იქნებიან, - ამის შესახებ რადიკალური მოძრაობა "თალიბანის" განათლების მინისტრის მოვალეობის შემსრულებელმა, აბდულ ბაქი ჰაქანიმ განაცხადა.
ინფორმაციას გამოცემა Independent ავრცელებს.
"ავღანეთის ხალხი უმაღლეს განათლების მიღებას შარიათის კანონების შესაბამისად, უსაფრთხოდ, კაცებისა და ქალების აღრევის გარეშე გააგრძელებს", - განაცხადა ჰაქანიმ.
მისი თქმით, გოგონების პედაგოგები მხოლოდ ქალები უნდა იყვნენ.
მიუხედავად იმისა, რომ ავღანეთში ხელისუფლების ხელში ჩაგდების შემდეგ თალიბები ქალების უფლებების დაცვას დაჰპირდნენ, თავად მოსახლეობა შიშობს, რომ ისინი უკიდურესად შეიზღუდება, ვინაიდან, 2001 წლამდე, როდესაც ქვეყანას თალიბები მართავდნენ, ავღანეთში ისლამური შარიათის რეჟიმი დამკვირდა. მაშინ საუკუნეების ნორმები მოქმედებდა, დაითხოვეს პარლამენტი, იმართებოდა მასობრივი ეგზეკუციები, აკრძალული იყო კინო და ტელევიზია. 12 წლის შემდეგ ქალებს სწავლა და მუშაობა ეკრძალებოდა. მაშინაც თალიბები ამბობდნენ, რომ ეს ყველაფერი დროებითია და ქალების უფლებებს უსაფრთხოების გაუმჯობესების შემდეგ დაიცავდნენ, თუმცა ეს მომენტი არასოდეს დამდგარა.
სიახლეები
- უკრაინის მოქალაქეებს საქართველომ უვიზოდ ყოფნის ვადა სამ წლამდე გაუხანგრძლივა
- "მოსახლეობის უმრავლესობას სურს კანონი, რომელიც ერთი მხრივ, დაიცავს ყველას უფლებას, მეორე მხრივ, მომავალ თაობას არატრადიციული ცხოვრების წესის პროპაგანდისგან" - მამუკა მდინარაძე
- სააღდგომო კულიჩი
- პრეზიდენტმა ლაზარე გრიგორიადისის შეწყალების აქტი გამოსცა
- შსს აფრთხილებს აქციის მონაწილეებს, რომლებიც პარლამენტთან იკრიბებიან