"მტერი ლუგანსკის ოლქზე სრული კონტროლის დაწესებას ცდილობს"- გენშტაბი
მტერი ცდილობს გადალახოს ჩვენი ჯარების წინააღმდეგობა და დაამყაროს სრული კონტროლი ლუგანსკის ოლქზე. ის ქვედანაყოფების გადაადგილებას ახორციელებს, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.
„კრამატორსკის მიმართულებით, მტერმა არტილერიიდან დაბომბა კრივა ლუკას, კუზმინოვკასა და გრიგოროვკას რაიონები. თავდაცვის ძალების კონტროლისა და საკომუნიკაციო სისტემის ჩაშლის მცდელობისას, მტერი აქტიურად იყენებს რადიოელექტრონული ბრძოლის სისტემებს.
ბახმუტის მიმართულებით ოკუპანტებმა არტილერიიდან ცეცხლი გაუხსნეს ივანო-დარიევკას, სემიგორიესა და უგლეგორსკის თბოსადგურის ტერიტორიებს“, - აღნიშნულია ანგარიშში.
გენშტაბის ცნობით, ავდიივკას, კურახივკას, ნოვოპავლოვსკის და ზაპოროჟიეს მიმართულებებით, მოწინააღმდეგე სისტემატიურად ახორციელებს საცეცხლე ზემოქმედებას თავდაცვის ძალების ქვედანაყოფების პოზიციებზე მათი მოქმედებების შებოჭვის მიზნით.
ცნობისათვის, ლუგანსკის ოლქის გუბერნატორმა, სერჰი გაიდაიმ გუშინ განაცხადა, რომ ოლქი 100%-ით ოკუპირებული არ არის, ბრძოლები გრძელდება და რუსული საოკუპაციო ჯარები დანაკარგებს განიცდიან.
სიახლეები
- "დარწმუნებული ვარ, რომ საქართველო, მოლდოვა და უკრაინა მალე ერთად წაიწევენ წინ ევროპულ გზაზე" - სალომე ზურაბიშვილი
- ბედნიერი ქორწინების სამი ოქროს წესი ზოდიაქოს ნიშნის მიხედვით
- "პუტინის სამშვიდობო გეგმა არასერიოზულია"- ოლაფ შოლცი
- "დარწმუნებული ვარ, დადგება დღე, როდესაც უკრაინა და საქართველო ევროკავშირის ნაწილი იქნებიან - ერთად და სამუდამოდ" - ზელენსკი
- როგორი ამინდია მოსალოდნელი საქართველოში