ენერგეტიკული კრიზისის გამო შესაძლოა, ევროპაში ზამთარში მობილური კავშირი გაითიშოს - „როიტერი“
როგორც საინფორმაციო სააგენტო „როიტერი“ წერს, იმ შემთხვევაში თუ ზამთარში ევროპაში ელექტროენერგია გაითიშა ან დენის მიწოდებაზე დაწესდება გრაფიკი, შესაძლოა, მობილურ ქსელებს პრობლემები შეექმნათ.
მათივე ცნობით, აღნიშნულის გამო, ევროპაში მოქმედ სატელეკომუნიკაციო კომპანიების ნაწილმა შეშფოთება უკვე გამოთქვა. ამასთან ერთად, „როიტერი“ წერს, რომ მობილური კავშირის ოპერატორ კომპანიებს, მათ შორის შვედეთში, საფრანგეთსა და გერმანიაში, უკვე დაწყებული აქვთ მუშაობა, რათა ელექტროენერგიის გათიშვისა და ანძებზე დამონტაჟებულ ბატარეების მწყობრიდან გამოსვლის შემთხვევაშიც კი, მობილური კავშირი არ შეწყდეს.
სააგენტოს ცნობით, ევროპაში ახლა არსებობს ნახევარ მილიონზე მეტი სატელეკომუნიკაციო ანძა, რომელთა უმეტესობაზე დამონტაჟებული ბატარეების მუშაობის მაქსიმალური დრო 30 წუთია.
„როიტერის“ ცნობით, აღნიშნული საკითხის მოსაგვარებლად ევროპის სხვადასხვა ქვეყნებში მობილური კავშირის კომპანიები უკვე აწარმოებენ მოლაპარაკებებს მთავრობის წარმომადგენლებთან.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"