"ნაციზმი მოდის ახალი ნიღბით, თუმცა იმავე მიზნით"- ვოლოდიმირ ზელენსკი
ნაციზმი მოდის ახალი ნიღბით, თუმცა იმავე მიზნით, – ამის შესახებ უკრაინის პრეზიდენტმა, ვოლოდიმირ ზელენსკიმ რუსეთის მიერ უკრაინაში წამოწყებული ომის 247-ე დღეს გამოქვეყნებულ ვიდეომიმართვაში განაცხადა. ზელენსკიმ რუსეთის აგრესია ნაციზმს შეადარა.
„ახალი დღე და ახალი ბოროტება. ყველაფერი ერთ წამში ხდება. იმ წამს, როდესაც მსოფლიო ვერ ამჩნევს. ზოგს ეძინება. ზოგიერთს ღრმა ძილით სძინავს, ვიღაც ყურადღებას არ აქცევს. საერთო ჯამში კი ყველა დუმს. და ყველა ერთნაირად ფიქრობს, რომ ეს მას არ შეეხება: ომი შორსაა, სადღაც დნესტრისპირეთში, ეს მოლდოველების პრობლემაა; სადღაც აფხაზეთსა და ოსეთში, ეს ხომ ქართველების სადარდებელია; სადღაც ყირიმში ან დონბასში, ეს უკრაინელების სადარდებელია; ეს ჩვენ არ შეგვეხება, რაკეტა ჩვენთან არ მოფრინდება, ჩვენ არ არ მოგვაკითხავენ. სამწუხაროდ, შემდეგ ეს ყველას სადარდებელი ხდება. ადრე თუ გვიან, საშინელი ომის მოგონებები რეალობად იქცევა. მეზობელი აგრესორი ხდება. აგრესორი ხდება ტერორისტი, ნაციზმი კი მისაბაძი მაგალითი. ის შეიძლება, მოვიდეს ახალი ნიღბით, ახალი ლოზუნგებით, თუმცა იმავე მიზნით. სამწუხაროდ, ჩვენ ამის შესახებ წიგნებიდან არ ვიცით. ჩვენ ვიცით, რომ ბოროტება შეიძლება, ჩვენს სახლებში მოვიდეს. ბოროტების ფორმა გახდა სხვა, არსი კი უცვლელია. დამპყრობლები საკუთარ თავს გამათავისუფლებლებს ეძახიან, საკუთარი არმიის შეჭრას თავდაცვას არქმევენ“, – განაცხადა უკრაინის პრეზიდენტმა.
მისივე თქმით, ბოლო ორ დღეში უკრაინის მიმართულებით 30 დრონი გაუშვეს, ხოლო უკრაინელმა სამხედროებმა 23 ჩამოაგდეს.
ზელენსკის განცხადებით, ომის დაწყებიდან ამ დრომდე რუსეთმა უკრაინის ტერიტორიაზე 4 500 სარაკეტო დარტყმა და 8 000 ავიაიერიში მიიტანა.
„ჩვენ ბრძოლას ვაგრძელებთ და მეტს ჩამოვაგდებთ“, – განაცხადა უკრაინის პრეზიდენტმა.
სიახლეები
- ფუნთუშა
- "როგორ უნდა ეწინააღმდეგებოდეს ადამიანის უფლებებს მარტივი მოთხოვნა, რომ გარე დაფინანსების შემთხვევაში წელიწადში ერთხელ დეკლარაცია ჩააბარო?! - კანონის წინააღმდეგ არგუმენტები დღემდე წარმოდგენილი არ არის" -არჩილ თალაკვაძე
- " ხელისუფლებამ ახალი ძალებით დაიწყო ფიზიკური და ფსიქოლოგიური ძალადობა - გუშინ ჩვენი გუნდის დეპუტატებთან, მათ შორის ჩემთან განხორციელდა ძალადობის მუქარა, თუმცა ეს ვერ შეგვაჩერებს! "- ანა ბუჩუკური
- "საქართველოსა და ჩინეთს შორის უვიზო მიმოსვლა და პირდაპირი რეისები ორ ქვეყანას შორის ახალი ტურისტული ნაკადების გენერირებას ხელს შეუწყობს" - ირაკლი ქარქაშაძე
- " მივესალმები ახალგაზრდების გადაწყვეტილებას, არჩევნებისთვის მზადება დაიწყონ - თქვენ გაგვიძეხით წინ და ჩვენ გამოგყვებით!" - მიხეილ სააკაშვილი