" ჩვენ ძალიან ვაფასებთ ურთიერთობებს თურქეთთან, ოფიციალურად ვაცხადებთ, რომ არ შეიძლება, საუბარი იყოს რაიმე სახის ჩარევაზე"- დიმიტრი პესკოვი
რუსეთის პრეზიდენტის პრესმდივნის, დიმიტრი პესკოვის განცხადებით, თურქეთის არჩევნებში რუსეთის ჩარევის შესახებ გავრცელებული ინფორმაცია ტყუილია.
„ჩვენ კატეგორიულად უარვყოფთ მსგავს განცხადებებს. ოფიციალურად ვაცხადებთ, რომ არ შეიძლება, საუბარი იყოს რაიმე სახის ჩარევაზე. ვინმემ ასეთი ინფორმაცია თუ მიაწოდა ბატონ ქილიჩდაროღლუს, მაშინ ისინი მატყუარები არიან“, – განაცხადა პესკოვმა.
პესკოვის თქმით, რუსეთი თურქეთთან ურთიერთობას ძალიან აფასებს.
„ჩვენ ძალიან ვაფასებთ ურთიერთობებს თურქეთთან, რადგან ის აქამდე ძალიან პასუხისმგებლობით სავსე და გააზრებულ პოზიციას იკავებდა რეგიონული და გლობალური პრობლემების მიმართ, რომელთა წინაშეც ჩვენ ვდგავართ და ეს პოზიცია ძალიან მიმზიდველია ჩვენთვის“, – განაცხადა პესკოვმა.
ამასთან, რუსეთის პრეზიდენტის პრესმდივანმა აღნიშნა, რომ ქვეყანა, რომელიც ძალიან აფასებს ორმხრივ ურთიერთობებს, არაფერს გააკეთებს თავისი პარტნიორის საწინააღმდეგოდ. მისივე თქმით, რუსეთი არ ერევა სხვა ქვეყნების საშინაო საქმეებსა და საარჩევნო პროცესებში.
შეგახსენებთ, მანამდე თურქეთის პრეზიდენტობის ოპოზიციურმა კანდიდატმა, ქემალ ქილიჩდაროღლუმ რუსეთი თურქეთის არჩევნებში ჩარევაში დაადანაშაულა
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი