ზელენსკი ბერლინს სტუმრობს
უკრაინის პრეზიდენტი ვოლოდიმირ ზელენსკი იტალიის შემდეგ გერმანიაში ჩავიდა.
„უკვე ბერლინში ვარ“, - დაწერა მან კვირა დილით ტვიტერზე.
მედიაში გავრცელებული ცნობებით, ზელენსკი გერმანიის კანცლერ ოლაფ შოლცს და პრეზიდენტ ფრანკ-ვალტერ შტაინმაიერს შეხვდება.
„იარაღი. ძლიერი პაკეტი. საჰაერო თავდაცვა. რეკონსტრუქცია. ევროპა. ნატო. უსაფრთხოება“, - წერს ზელენსკი.
უკრაინაში რუსეთის შეჭრის შემდეგ ეს გერმანიაში ზელენსკის პირველი ვიზიტია.
გერმანულმა გამოცემა BILD-მა გამოაქვეყნა ექსკლუზიური კადრები, სადაც ასახულია, რომ ზელენსკი გერმანიის თავდაცვის სამინისტროში იმყოფებოდა.
ვოლოდომირ ზელენსკის გერმანიაში კარლოს დიდის სახელობის საერთაშორისო პრემიას გადასცემენ მისი და უკრაინელ ხალხის გმირობისთვის. დაჯილდოებას გერმანიის კანცლერი, ოლაფ შოლციც დაესწრება.
13 მაისს უკრაინის პრეზიდენტი იტალიას სტუმრობდა, სადაც ქვეყნის პრემიერმინისტრს, პრეზიდენტსა და რომის პაპს შეხვდა.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი