"აზერბაიჯანმა მთიან ყარაბაღში ეთნიკური წმენდა სრული ბლოკადით დაიწყო" - ნიკოლ ფაშინიანი
აზერბაიჯანმა მთიან ყარაბაღში ეთნიკური წმენდა სრული ბლოკადით დაიწყო, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
სომხეთის მთავრობის ხელმძღვანელის თქმით, ლაჩინის დერეფანში 15 ივნისიდან გზა დაიხურა და მთიანი ყარაბაღისთვის აუცილებელი საკვები პროდუქტების მიწოდებაც კი შეჩერებულია.
„მთიან ყარაბაღს გარე სამყაროდან საკვები ვერ მიეწოდება. ასევე, აკრძალულია გადაუდებელი სამედიცინო დახმარების საჭიროების მქონე მოქალაქეების გადაადგილება. ეს ქმედებები კიდევ ერთხელ ადასტურებს ჩვენს შიშს, რომ აზერბაიჯანი ახორციელებს ეთნიკური წმენდის პოლიტიკას მთიან ყარაბაღში. თუმცა, ამ შემთხვევაში, ეს უკვე აღარ არის შიში, არამედ უკვე მოქმედებების დაწყებაა. რა არის ეს, თუ არა ეთნიკური წმენდა? მთიანი ყარაბაღის სომხებს შეუწყდათ საკვების მიწოდება, გაზი, ელექტროენერგია. სროლის სამიზნე არიან ფერმერები, რომლებიც ახორციელებენ სასოფლო-სამეურნეო სამუშაოებს. გადაადგილების შესაძლებლობა იბლოკება კრიტიკულად დაავადებულ პაციენტებისთვისაც კი. ბაქოსა და სტეფანაკერტს შორის დიალოგი საერთაშორისო მექანიზმების ფარგლებში ძალზე მნიშვნელოვანია მთიან ყარაბაღში მცხოვრები სომხების უფლებებისა და უსაფრთხოების უზრუნველსაყოფად. იმედი უნდა ვიქონიოთ, რომ ამ მიმართულებით კონკრეტული ნაბიჯები გადაიდგმება“, – განაცხადა ნიკოლ ფაშინიანმა
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"