"უახლოეს მომავალში რუსეთი საბრძოლო მორიგეობაზე ბირთვულ რაკეტა „სარმატს“ დააყენებს" - პუტინი
უახლოეს მომავალში რუსეთი საბრძოლო მორიგეობაზე ბირთვულ რაკეტა „სარმატს“ დააყენებს, - ამის შესახებ სამხედრო უმაღლესი სასწავლებლების კურსდამთავრებულებთან შეხვედრაზე რუსეთის პრეზიდენტმა ვლადიმერ პუტინმა განაცხადა.
პუტინის თქმით, რუსული არმიის დახვეწა იმ „ახალი გამოწვევების გათვალისწინებითა“ და „ფასდაუდებელი გამოცდილებით“, რომელიც რუსულმა არმიამ უკრაინაში მიიღო, მიმდინარეობს. ამ კონტექსტში, პუტინმა უმთავრეს ამოცანად ბირთვული ტრიადის განვითარება დაასახელა, რომელიც, მისი თქმით, არა მხოლოდ თავად რუსეთის სამხედრო უსაფრთხოების, არამედ „გლობალური სტაბილურობის“ გარანტიაა.
„სტრატეგიული დანიშნულების სარაკეტო ჯარების ნაწილებისა და შენაერთების ნახევრამდე აღჭურვილია „იარს“-ის უახლოესი კომპლექსებით, ტარდება ჯარების გადაიარაღება „ავანგარდით“ (ჰიპერხმოვანი საბრძოლო ნაწილით). უახლოეს მომავალში საბრძოლო მორიგეობაზე ჩადგება კომპლექსი „სარმატი“ ახალი მძიმე რაკეტით“, - განაცხადა ვლადიმერ პუტინმა.
პუტინის თქმით, გეგმასთან მკაცრ შესაბამისობაში მიმდინარეობს სტრატეგიული ავიაციასა და სამხედრო-საზღვაო ფლოტის ბირთვული არსენალის შევსება. კერძოდ, საბრძოლო მორიგეობაზე გამოსულია ფრეგატი „საბჭოთა კავშირის ფლოტის ადმირალი გორშკოვი“, რომელიც „ცირკონის“ ჰიპერხმოვანი რაკეტებით არის შეიარაღებული.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი