"უკრაინისთვის „პატრიოტის“ დამატებით შვიდი საჰაერო თავდაცვის სისტემა რომ მიეცათ, მაშინ ხალხი ხარკოვში, ხერსონში და ოდესაში არ დაიღუპებოდა"
უკრაინისთვის „პატრიოტის“ დამატებით ტიპის შვიდი საჰაერო თავდაცვის სისტემა რომ მიეცათ, მაშინ ხალხი ხარკოვში, ხერსონში და ოდესაში არ დაიღუპებოდა, – ამის შესახებ უკრაინის პრეზიდენტმა, ვოლოდიმირ ზელენსკიმ, რიგაში, მედიასთან შეხვედრის დროს განაცხადა.
უკრაინის პრეზიდენტის თქმით, იარაღის მიწოდების შეფერხება რუსეთის მიერ უამრავი ადამიანის მკვლელობას იწვევს.
„ჩვენ გვსურს, ჩვენი პარტნიორები იყვნენ რეალისტები და გაიგონ, როგორ მოქმედებს ეს ვადები ჩვენს რისკებსა და ზარალზე“, – აღნიშნა ვოლოდიმირ ზელენსკიმ.
უკრაინის პრეზიდენტმა ისაუბრა საიდუმლო შორი მოქმედების იარაღზე, რომელმაც ერთ დღეში 26 რუსული ვერტმფრენი და 12 თვითმფრინავი ჩამოაგდო.
ვოლოდიმირ ზელენსკიმ ასევე აღნიშნა, რომ უკრაინა ფრონტზე ფართო ნაბიჯებით ვერ მიიწევს წინ, რადგან ვერ აკონტროლებს ცას.
„ფრონტზე ძალიან რთული მდგომარეობაა. ჩვენ არ გვაქვს საკმარისი იარაღი. რუსები თუ ვერ გააკონტროლებდნენ ჰაერს და ჩვენ გვექნებოდა საკმარისი რაოდენობის საჰაერო თავდაცვის სისტემები, გავანადგურებდით მათ თვითმფრინავებს. ჩვენ ეს ვცადეთ, მუშაობს. როცა მათ ცაში ანადგურებ, წინ მიიწევ“, – განაცხადა უკრაინის პრეზიდენტმა.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი