იაპონიაში საკრუიზო გემზე 10 მგზავრს კორონავირუსი დაუდგინდა- 3700 ადამიანს ხომალდის დატოვების უფლებას არ აძლევენ
იაპონიაში, იოკოჰამას პორტში საკრუიზო ხომალდი დააკავეს, რომელშიც 10 ადამიანი კორონავირუსით დაავადებული აღმოჩნდა.
ხომალდ „ბრილიანტის პრინცესაზე“ მყოფი 3700 მგზავრიდან 300-ზე ჩატარდა გამოკვლევა. გავრცელებული ინფორმაციით, არსებობს რისკი, რომ დაავადებულთა რიცხვი გაიზარდოს. ამის შესახებ წერს BBC-ი.
გემზე განგაში მას შემდეგ შეიქნა, რაც 80 წლის მამაკაცი ცუდად გახდა, რომლის შემოწმების შემდეგ ვირუსი დაუდასტურდა. იაპონური მედიის ინფორმაციით, 10-ივე დაავადებულის ასაკი 50 წელზე მეტია. საკარანტინო ღონისძიებები მინიმუმ 14 დღის განმავლობაში გაგრძელდება, რის გამოც ყველა მგზავრს ადგილზე დარჩენა მოუწევს.
მსოფლიო ჯანდაცვის ორგანიზაცია არ ფიქრობს ამ დრომდე, რომ პანდემიის საფრთხე არსებობს, თუმცა კორონავირუსით დაინფიცირებულთა რაოდენობა ყოველდღიურად მასშტაბურად იზრდება. ოფიციალურ დადასტურებულია დაავადების 24 300 შემთხვევა, 490 კი გარდაცვლილია.
მსგავსი სიტუაციაა აგრეთვე ჰონგ-კონგშიც, სადაც დროებით დაკავებულია ხომალდი, რომლის ბორტზეც 1800 მგზავრი იმყოფება. ამ დრომდე მიმდინარეობს სამედიცინო გამოკვლევები ეკიპაჟის წევრებზე და ჯერჯერობით უცნობია, თუ რამდენ მათგანს აღენიშნება ვირუსი.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ