ჩინელი ექიმი, რომელმაც განგაში პირველმა ატეხა, კორონავირუსით დაიღუპა

ჩინელი ექიმი, ლი ვენლიანგი, რომელიც საზოგადოებას დეკემბერში აფრთხილებდა "კორონავირუსის მსგავსი" დაავადების გავრცელების საფრთხეზე, დღეს თავად ამ დაავადებით გარდაიცვალა.

CNN-ის ცნობით, განგაშის ატეხვისას ექიმი ლი ადგილობრივმა ხელისუფლებამ გამოკითხა და პოლიციაშიც კი დაიბარეს, სადაც ხელწერილი დააწერინეს "ინტერნეტ სივრცეში ჭორების გავრცელებასა" და "წესრიგის დარღვევაზე". ექიმი 12 იანვარს მოათავსეს საავადმყოფოში, პირველ თებერვალს კი დაუდგინდა კორონავირუსის დიაგნოზი. მას პაციენტისგან გადაედო დაავადება.

 

ექიმის დაღუპვას ტვიტერზე გამოეხმაურა ჯანდაცვის მსოფლიო ორგანიზაცია. ისინი მწუხარებას გამოთქვამენ ექიმი ლის გარდაცვალების გამო და აღნიშნავენ იმ დიდ საქმეს, რაც მან გასწია დაავადების წინააღმდეგ.

 

We are deeply saddened by the passing of Dr Li Wenliang. We all need to celebrate work that he did on #2019nCoV - @DrMikeRyan

— World Health Organization (WHO) (@WHO) February 6, 2020


რატომ ატეხა განგაში ექიმმა ლიმ?


ვუჰანში მცხოვრებმა 34 წლის ოფთალმოლოგმა ერთი თვის შემდეგ სოციალურ ქსელ Weibo-ზე დაწერა მისი ისტორია:

 

დეკემბერში ექიმმა შეამჩნია შვიდი იდენტური შემთხვევა, რომელიც ძალიან ჰგავდა "ძველ კორონავირუსს" (Sars — მწვავე რესპირატორული სინდრომი). ის 2003 წელსაც გლობალურად გავრცელდა.

 

ექიმს სურდა, კორონავირუსის საფრთხეზე სხვებიც გაფრთხილება. 30 დეკემბერს მან შეტყობინება გაუგზავნა კოლეგა ექიმებს, დაინფიცირების თავიდან ასაცილებლად ჩაეცვათ დამცავი სკაფანდრი. ოთხი დღის შემდეგ იგი უსაფრთხოების ბიუროში დაიბარეს, სადაც "ტყუილში" დაადანაშაულეს. ექიმი ლი იყო ერთ-ერთი იმ რვა ადამიანიდან, რომლებიც პოლიციამ "ჭორების გავრცელებაში" დაადანაშაულა. ადგილობრივმა ხელისუფლებამ ექიმს მოგვიანებით მოუბოდიშა.

 

ჩინეთში ახალი კორონავირუსით დაღუპულთა რიცხვი 563-მდე გაიზარდა, ვირუსით დაავადებულთა რაოდენობა კი 28 ათასს აჭარბებს.

 

წყარო

წაკითხვა 414 ჯერ განახლდა განახლდა თებერვალი 07 2020
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.