"კორონავირუსთან დაკავშირებით ყველა სცენარი ჯერჯერობით მაგიდაზე რჩება"- ჯანდაცვის მსოფლიო ორგანიზაცია

მიუხედავად იმისა, რომ ჩინეთის მიერ ბოლო დროს მოწოდებული მონაცემების თანახმად, კორონავირუსის ახალმა შემთხვევებმა იკლო, ეპიდემიის შეფასების თვალსაზრისით ყველა სცენარი ჯერჯერობით მაგიდაზე რჩება, - ამის შესახებ განცხადება ჯანდაცვის მსოფლიო ორგანიზაციის გენერალურმა დირექტორმა, ტედროს ადან გაბრეისუსმა გააკეთა.

 

„მონაცემები შემთხვევების შემცირებაზე მეტყველებს, თუმცა ამ ტენდენციის შესახებ ძალიან ფრთხილი მსჯელობაა საჭირო, ვინაიდან ტენდენციები, შესაძლოა, შეიცვალოს. ჯერჯერობით ძალიან ადრეა იმის თქმა, რომ კლება შენარჩუნდება. ყველა სცენარი ჯერჯერობით მაგიდაზე რჩება,“- განაცხადა ტედროს ადან გაბრეისუსმა.

 

მისივე თქმით, ბოლო მონაცემებით, ჩინეთში კორონავირუსით დაინფიცირების 70,635 დადასტურებული, მათ შორის 1,772 ფატალური შემთხვევაა გამოვლენილი. რაც შეეხება ჩინეთის ფარგლებს გარეთ, გაბრეისუსმა აღნიშნა, რომ ვირუსით 25 ქვეყანაში 700-ზე ნაკლები ადამიანია დაინფიცირებული.

წაკითხვა 402 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.