ბრაზილიის პრეზიდენტს კორონავირუსი დაუდგინდა
გავრცელებული ინფორმაციით, ბრაზილიის პრეზიდენტს ჯაირ ბოლსონერის კორონავირუსი დაუდგინდა.
ამის შესახებ „ბიზნესინსაიდერი“ ადგილობრივ მედიაზე დაყრდნობით წერს.
აღსანიშნავია, რომ კვირას, პრეზიდენტი თავის ამერიკელ კოლეგას, დონალდ ტრამპს შეხვდა. გავრცელებულ კადრებში ჩანს, რომ პრეზიდენტები ერთად სხედან და ერთმანეთს ხელს ართმევენ. მედიის ინფორმაციით, კორონავირუსი აქვს ბოლსონერის პრესსპიკერსაც, რომელიც ასევე ზემოთ აღნიშნულ შეხვედრას ესწრებოდა.
გავრცელებული ინფორმაციით, ბრაზილიის პრეზიდენტმა ხუთშაბათს ახალ კორონავირუსზე ანალიზები ჩააბარა მას შემდეგ, რაც მისი ადმინისტრაციის მაღალჩინოსანს, რომელიც მას ამერიკის პრეზიდენტთან შეხვედრაზე ახლდა, კორონავირუსი დაუდასტურდა.
ამავდროულად, ვრცელდება ინფორმაცია, რომ თეთრ სახლში ამ ფაქტთან დაკავშირებით საგანგებო თათბირი მიმდინარეობს. ინფორმაციას „ფოქსნიუსი“ ავრცელებს.
სიახლეები
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"
- "თქვენ საქართველოს მოსახლეობას უნდა დაანახოთ სტაბილურობა, რომ საქართველო მარტო არაა"- პრეზიდენტი ევროკავშირის ელჩებს
- "როდესაც ხელისუფლება ხარ არ შეიძლება ახალგაზრდებს სატანისტები და სხვა ეპითეტები უწოდო!" - პრეზიდენტი
- იერუსალიმში, მაცხოვრის საფლავზე წმინდა ცეცხლი გადმოვიდა