საბერძნეთის ხელისუფლებამ ეკლესიას მსახურებების შეზღუდვა სთხოვა
საბერძნეთის მთავრობამ ქვეყნის მართლმადიდებელი ეკლესიის მეთაურს საეკლესიო მსახურებების შეზღუდვა სთხოვა.
ამის შესახებ საბერძნეთის მთავრობის პრესსამსახური იუწყება.
„საბერძნეთის პრემიერ-მინისტრი კირიაკოს მიცოტაკისი ათენისა და სრულიად საბერძნეთის მთავარეპისკოპოსს იერონიმეს დაუკავშირდა და სთხოვა, რომ ტაძრები ღია იყოს მხოლოდ იმისთვის, რომ ადამიანებს კერძოდ შეეძლოთ იქ თაყვანისცემისთვის შესვლა და შესრულდეს მხოლოდ აუცილებელი საეკლესიო საიდუმლოებები, რომელსაც ადამიანთა მინიმალური რაოდენობა დაესწრება“, - ნათქვამია ინფორმაციაში.
საკითხს ორშაბათს, ელადის მართლმადიდებელი ეკლესიის მუდმივი სინოდის სხდომაზე განიხილავენ.
მანამდე ცნობილი გახდა ელადის ეკლესიის სინოდის განცხადება, რომ საღმრთო ევქარისტია და ზიარება ერთი ბარძიმიდან ვერ გახდება კორონავირუსის გადადების მიზეზი. ამან საზოგადოების წარმომადგენელთა მხრიდან კრიტიკა გამოიწვია. 11 მარტიდან ქვეყნის პრემიერ-მინისტრმა მკაცრი საპროფილაქტიკო ზომების შესახებ გამოაცხადა და მოითხოვა, შეიზღუდოს რელიგიური შეკრებები და აღნიშნა, რომ საეკლესიო ხელმძღვანელობის მხარდაჭერის მოლოდინშია. ამის შემდეგ მთავარეპისკოპოსმა იერონიმემ განაცხადა, რომ საბერძნეთის ეკლესია მეცნიერებას არ ეწინააღმდეგება, პასუხისმგებლობით ეკიდება კორონავირუსის საპროფილაქტიკო ზომებს და სრულად ასრულებს სახელმწიფო კომპეტენტური ორგანოების გადაწყვეტილებებს, მაგრამ საბერძნეთის ტაძრებში მსახურება არ შეწყდება.
სიახლეები
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"
- "თქვენ საქართველოს მოსახლეობას უნდა დაანახოთ სტაბილურობა, რომ საქართველო მარტო არაა"- პრეზიდენტი ევროკავშირის ელჩებს
- "როდესაც ხელისუფლება ხარ არ შეიძლება ახალგაზრდებს სატანისტები და სხვა ეპითეტები უწოდო!" - პრეზიდენტი
- იერუსალიმში, მაცხოვრის საფლავზე წმინდა ცეცხლი გადმოვიდა