Bloomberg - ევროპას ხილ-ბოსტნეულის დეფიციტი ემუქრება
ევროპას ხილისა და ბოსტნეულის დეფიციტი ემუქრება, - ამის შესახებ ინფორმაციას Bloomberg-ი აქვეყნებს. გამოცემის ცნობით, დეფიციტის მთავარი მიზეზი მუშა-ხელის ნაკლებობა გახდება.
როგორც წესი, ევროპაში ხილ-ბოსტნეულის მოსავლის აღებაში დასაქმებულები არიან აღმოსავლეთ ევროპის ქვეყნებიდან და ჩრდილოეთ აფრიკიდან ჩამოსული ადამიანები. კორონავირუსის ეპიდემიის ფონზე კი, ფერმერები მუშა-ხელის დეფიციტს პროგნოზირებენ. ასე რომ, ესპანეთში, იტალიაში, საფრანგეთსა და გერმანიაში მოსავლის აღების პრობლემა უკვე შეექმნათ, ნაყოფი დამწიფდა, მაგრამ მისი ამღები არავინ იყო.
ამჟამად, საფრთხის ქვეშაა მარწყვისა და სატაცურის მოსავალი. უახლოეს მომავალში, როგორც ფერმერები ამბობენ ინდუსტრიის კრიზისი იმოქმედებს სალათებზე, პომიდორზე, ხახვზე და ბარდაზე. თუმცა მხოლოდ მოსავლის აღება არ არის პრობლემა, იმ შემთხვევაშიც კი, თუ საქონლის დროულად შეგროვება მოხდა, ევროპაში შეზღუდული გადაადგილების გამო ბიზნეს-ოპერატორებს შესაძლოა, იმის დრო არ ჰქონდეთ, რომ პროდუქცია მაღაზიების დახლებზე განათავსონ.
ევროპული ქვეყნების ხელისუფლებები იმედოვნებენ, რომ ფერმერულ მეურნეობებში დროებით სტუდენტები დასაქმდებიან. ასევე ის ადამიანები, რომლებიც ეპიდემიის გამო დროებით უმუშევრად დარჩნენ.
ამასთან, როგორც Bloomberg-ი წერს, კორონავირუსის გავრცელების გამო, ბევრმა ქვეყანამ დაიწყო სურსათის მარაგების შექმნა. კერძოდ, სახელმწიფოებმა გადაწყვიტეს, რომ ტრადიცული საექსპორტო პროდუქტი საზღვრებს გარეთ აღარ გაიტანონ.
სიახლეები
- 23 აპრილის ასტროლოგიური პროგნოზი
- "სახელმწიფო დეპარტამენტის ანგარიში არის უმძიმესი - ხელისუფლება უნდა გადავიდეს კონკრეტული ნაბიჯების გადადგმაზე, რომელიც მოქალაქეების ინტერესებში შედის, მათ შორის, გაიწვიოს „რუსული კანონი“ - ბექა ლილუაშვილი
- შალვა პაპუაშვილის თქმით, საქართველოში ევროკავშირის დაფინანსება გაუმჭვირვალეა
- ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- საზამთროს ლიმონათი