ტრამპს არჩევნების გადადება არ სურს
აშშ-ის პრეზიდენტმა დონალდ ტრამპმა განაცხადა, რომ 2020 წლის 3 ნოემბერს დაგეგმილი საპრეზიდენტო არჩევნების კორონავირუსის გამო გადადება არ სურს, თუმცა, ფოსტის საშუალებით ხმის მიცემის წინააღმდეგია.
"მე მინდა, რომ არჩევნები ჩატარდეს, თუმცა, არ მინდა, რომ სამი თვე ვიცადო და შემდეგ გავიგო, რომ ყველა ბიულეტენი დაიკარგა და არჩევნები არაფერს ნიშნავს",- განაცხადა ტრამპმა.
აშშ-ის პრეზიდენტის თქმით, მას უნდა, რომ არჩევნებზე ყველამ პირადობის დამადასტურებელი დოკუმენტი წარადგინოს და ხმა ისე მისცეს.
მანამდე დონალდ ტრამპმა შეშფოთება გამოთქვა არჩევნებზე ხმის ფოსტის საშუალებით მიცემასთან დაკავშირებით, განაცხადა, რომ ეს მექანიზმის გაყალბების საფრთხეს შექმნის და არჩევნების შესაძლო გადადების ინიციატივით გამოვიდა. ტრამპის ამ წინადადებას მისი როგორც თანაპარტიელების, ისე დემოკრატების მხრიდან, მკვეთრად უარყოფითი რეაქცია მოჰყვა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი