თურქეთის პრეზიდენტი ფრანგული პროდუქციის ბოიკოტის მოწოდებით გამოვიდა

თურქეთის პრეზიდენტი ფრანგული პროდუქციის ბოიკოტის მოწოდებით გამოვიდა და მაკრონს მენტალური ჯანმრთელობის შემოწმებისკენ კიდევ ერთხელ მოუწოდა.

ამასთან, რეჯეფ ტაიფ ერდოღანმა თავის გამოსვლაში განაცხადა, რომ „ევროპის ზოგიერთ ქვეყანაში მუსლიმების მიმართ სიძულვილი სახელმწიფო პოლიტიკის ნაწილია, რომელსაც მხარს ქვეყნის მეთაური უჭერს. ამ შემთხვევაში ერდოღანმა საფრანგეთის პრეზიდენტზე გაამახვილა ყურადღება.

 

ეროდაღანის მტკიცებით, „მაკრონის განცხადება ისლამოფობიას ახალისებდა“ და უკვე მეორედ მოუწოდა მაკრონს „მენტალური მდგომარეობის შემოწმებისაკენ“.

 

ერდოღანის თქმით, საფრანგეთში ისლამის მიმართ სიძულვილის ნიადაგზე დანაშაულებები თითქმის ყოველდღე ხდება.

 

„ევროპის უსაფრთხოების სტრუქტურა ღიად უარყოფს მუსლიმების მიმართ ჩადენილ დანაშაულს. ისინი ვინც ხელს აფარებს თავდასხმებს მუსლიმებზე, აგრძელებენ ნაციზმის და ფაშიზმის იდეებს. დასავლეთში მუსლიმად ყოფნა და ამ რელიგიის მიმდევრობა თითქმის შეუძლებელი ხდება“, – განაცხადა თურქეთის პრეზიდენტმა.

 

თურქეთის ლიდერმა მოუწოდა მსოფლიო თანამეგობრობას, ისლამოფობიის წინააღმდეგ იმოქმედონ.

 

შეგახსენებთ, რომ თურქეთის პრეზიდენტსა და საფრანგეთის ლიდერს შორის დავა მას შემდეგ დაიწყო, რაც ემანუელ მაკრონმა განაცხადა, რომ საფრანგეთში რადიკალური ისლამის წინააღმდეგ ზომები გამკაცრდება. 

წაკითხვა 399 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.