თურქეთის დედაქალაქ ანკარაში, თურქეთის შინაგან საქმეთა სამინისტროს შენობასთან თვითმკვლელმა ტერორისტმა ასაფეთქებელი მოწყობილობა გაააქტიურა , - მედიის ინფორმაციით, ამის შესახებ თურქეთის შინაგან საქმეთა მინისტრმა, ალი იერლიკაიამ განაცხადა.
რუსეთის ფედერაციის ყველა შემადგენელ ერთეულში, შორეული ჩრდილოეთის გარკვეული რაიონების გარდა, პირველ ოქტომბერს საშემოდგომო გაწვევა იწყება, - ამის შესახებ რუსეთის შეიარაღებული ძალების გენერალური შტაბის მთავარი ორგანიზაციული და სამობილიზაციო დირექტორატის ხელმძღვანელის მოადგილემ, ვლადიმერ ციმლიანსკიმ განაცხადა.
სომხეთის პრემიერ-მინისტრის, ნიკოლ ფაშინიანის განცხადებით, უახლოეს დღეებში მთიან ყარაბაღში არცერთი სომეხი აღარ დარჩება.
არაღიარებული მთიანი ყარაბაღის რესპუბლიკის ე.წ. პრეზიდენტის მრჩეველმა, ყოფილმა „საგარეო საქმეთა მინისტრმა" დავით ბაბაიანმა განაცხადა, რომ აზერბაიჯანულმა მხარემ, შესაბამისი გამოძიების ჩატარების მიზნით, მისი ბაქოში ჩასვლა მოითხოვა.
აშშ-ის გაზეთმა „უოლ სთრით ჯორნელმა“ (The Wall Street Journal) გამოაქვეყნა სტატია სათაურით „მსოფლიოში საუკეთესო ამერიკულმა ტანკებმა „აბრამსებმა“ უკრაინამდე ჩააღწიეს… მაგრამ ეს ის შემთხვევაა, როცა ცოტაა და დაგვიანებული“ (ავტორი – იენ ლოვეტი). როგორც პუბლიკაციაშია აღნიშნული, „აბრამსები“ უკრაინას საომარი მოქმედებების გარდატეხვაში ვერ დაეხმარებიან – იმიტომ, რომ ამ მძიმე ჯავშნიანი ტექნიკით სარგებლობა მხოლოდ განსაზღვრულ სიტუაციაში შეიძლება, თორემ საერთო-საჯარისო ბრძოლებს ისინი დიდხანს ვერ გაუძლებენ.
სომხეთის მედიასაშუალებები ავრცელებენ პირველ ცნობებს ყარაბაღში, საწვავის საცავის ტერიტორიაზე მომხდარი ძლიერი აფეთქების შედეგად დაღუპულთა შესახებ. მათი წყაროა არცახის(ყარაბაღის) საინფორმაციო შტაბი, რომლის მონაცემებით, 7 დაშავებული საავადმყოფოში გარდაიცვალა. 13 ამოუცნობი გვამია ექსპერტიზის ადგილობრივ ბიუროში.
