„ქართველების მსგავსად სუფრასთან ვერავინ გაგიმასპინძლდებათ"-National Geographic Traveler საქართველოს შესახებ
მსოფლიოში ერთ-ერთი ყველაზე პოპულარულ სამოგზაურო ჟურნალ National Geographic Traveler-ის ჟურნალისტი - დევიდ ფარლი, მკითხველს საქართველოში მოგზაურობის შთაბეჭდილებებს უზიარებს.
„სტუმარი სუფრასთან“ - ამ სათაურით გამოქვეყნებულ სტატიაში ჟურნალისტი ქართულ კერძებს და ქართული სუფრის ტრადიციებს აღწერს.
„ქართველების მსგავსად სუფრასთან ვერავინ გაგიმასპინძლდებათ. საქართველოს მთიან რეგიონში, რაჭაში, მეგობრები, ოჯახის წევრები სუფრასთან იკრიბებიან, ეს არის ხანგრძლივი, სიცოცხლით სავსე, ალკოჰოლით გაჯერებული შეხვედრა კერძებით დამძიმებულ მაგიდასთან, სადაც ღვინოს თავისუფლად ასხამენ და თამადას ყველა ემორჩილება.“-წერს დევიდ ფარლი.
„სოფელ ხიმშში მოხვედრა არც ისე იოლია, სანამ რაჭაში ჩავალთ, მანამადე საქართველოს უძველესი დედაქალაქი მცხეთა უნდა გავიაროთ, რომელსაც მე-6 საუკუნის ჯვრის მონასტერი გადაჰყურებს. ამის შემდეგ გორს გავივლით, შემდეგ მოდის სურამი, სადაც უძველესი ებრაული დასახლება იყო. სურამში ადგილობრივები ტკბილ ნაზუქებს აცხობენ და გზაზე გასაყიდად გამოაქვთ. რიკოთის გვირაბის შემდეგ მაღაროელთა ქალაქი ტყიბული გავიარეთ, შემდეგ შაორის წყალსაცავი. 4 საათიანი მგზავრობის შემდეგ მდინარე რიონის ხიდს მივაღწიეთ."
სტატიის ავტორი დეტალურად აღწერს რაჭის სოფლებს, ოჯახებს, სტუმართმასპინძლობას, ქართულ ცეკვას, კერძებს, რაჭულ ლორს, შქმერულს, სხვადასხვა სახის ხაჭაპურს და ა.შ.
National Geographic Traveler-ს ჟურნალისტმა - დევიდ ფარლმა, საქართველოში ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის პრესტურის ფარგლებში იმოგზაურა.
სიახლეები
- "რუსეთმა დაიწყო ჰიბრიდული სტრატეგია და ცდილობს, შეგვაჩეროს ევროკავშირში გაწევრიანების გზაზე და მათ, ცხადია, ეხმარება დღევანდელი ხელისუფლება - ეს არის რუსული კანონი, პუტინის კანონის ზუსტი ასლი" - პრეზიდენტი
- "ვინმე და რამე სამოქალაქო საზოგადოებას თუ აზიანებს, ეს არიან არასამთავრობო სექტორს ამოფარებული პარტიები, პოლიტიკაში ყოფნა უნდათ, მაგრამ გამოჩენა - არა" - არჩილ თალაკვაძე
- 18-მდე გაიზარდა ჩერნიგოვზე რუსეთის სარაკეტო დარტყმის შედეგად დაღუპულთა რიცხვი
- ნიგვზის ნაყინი
- ძალაში შევიდა ცვლილება, რომლითაც ქიმიოთერაპიასთან, ჰორმონოთერაპიასთან და იმუნოთერაპიასთან დაკავშირებული პროგრამული მედიკამენტები, რომელიც ონკოლოგიური დიაგნოზის მქონე პაციენტებისთვისაა საჭირო, სრულად დაფინანსდება