როგორ იცვლება ადამიანის სახე დილის 7:00 საათიდან საღამოს 7:00 საათამდე - ექსპერიმენტის შედეგი
ფოტოგრაფი, ბარბარა ივენსი ამბობს, რომ უცნობი ადამიანების სახეები მას ყოველთვის იზიდავდა, ინტერესდებოდა სრულიად უცხო ადამიანების სახეზე აღბეჭდილი ემოციებით.
„ბავშვობიდან მოყოლებული ჩემი გატაცებაა უცნობ ადმაიანებზე დაკვირვება. ავტობუსის მოლოდინში ჩემი თვალები ყოველთვის აკვირდება უცნობებს. ვფიქრობ იმაზე, თუ რის შესახებ შეიძლება ფიქრობდნენ ადამიანები იმ მომენტში, რისი ეშინიათ და რა უხარიათ“ - წერს ფოტოგრაფი თავის ბლოგპოსტში.
ბარბარამ თავის გატაცება საინტერესო პროექტად აქცია, რომელსაც სახელად „ჩემი ქუჩის კუთხეებში“ დაარქვა. ფოტო პროექტში მან უცნობი ადამიანების პორტრეტები აღბეჭდა.
ფოტოგრაფის მთავარი მიზანი ადამიანების ემოციების აღბეჭდვაა. ზემოთ აღნიშნული პროექტის შემდეგ ბარბარამ გადაწყვიტა, რომ ფოტოებით ეჩვენებინა ადამიანების გაღვიძების მომენტი და ის თუ, როგორ გამოიყურებიან ისინი საღამოს.
ბარბარას პროექტის სახელია „დილის 7:00 საათიდან საღამოს 7 საათამდე“. ფოტოპროექტის სისრულეში მოყვანას 5 წელი დასჭირდა.
ბარბარა ამბობს, რომ სოციალური ქსელების კულტურა ადამიანებს უბიძგებს მუდმივად იპოზიორონ, მუდმივად გაეპრანჭონ კამერას, ამიტომ ფოტოებს დაკარგული აქვთ ბუნებრიობა. ფოტოგრაფის მიზანი იყო ეჩვენებინა ადამიანები ნამდვილები, ისეთები, როგორებიც სინამდვილეში არიან.
„მე ვეცადე ფოტოები მანამდე გადამეღო ამ ადამიანებისთვის, სანამ გაიაზრებდნენ რომ ფოტოს ვუღებდი, ანუ სანამ კამერის წინ გაპრანჭვასა და პოზირებას დაიწყებდნენ და ამით მივიღე მაქსიმალურად ბუნებრივი ადამიანები, ნამდვილი ადამიანები სიყალბის გარეშე. ჩემს ფოტოებზე ნათლად ჩანს ის ცვლილებები, რომელსაც ადამიანის სახე გაღვიძების მომენტიდან საღამომდე განიცდის“, - წერს ბარბარა.
სიახლეები
- "რუსეთმა დაიწყო ჰიბრიდული სტრატეგია და ცდილობს, შეგვაჩეროს ევროკავშირში გაწევრიანების გზაზე და მათ, ცხადია, ეხმარება დღევანდელი ხელისუფლება - ეს არის რუსული კანონი, პუტინის კანონის ზუსტი ასლი" - პრეზიდენტი
- "ვინმე და რამე სამოქალაქო საზოგადოებას თუ აზიანებს, ეს არიან არასამთავრობო სექტორს ამოფარებული პარტიები, პოლიტიკაში ყოფნა უნდათ, მაგრამ გამოჩენა - არა" - არჩილ თალაკვაძე
- 18-მდე გაიზარდა ჩერნიგოვზე რუსეთის სარაკეტო დარტყმის შედეგად დაღუპულთა რიცხვი
- ნიგვზის ნაყინი
- ძალაში შევიდა ცვლილება, რომლითაც ქიმიოთერაპიასთან, ჰორმონოთერაპიასთან და იმუნოთერაპიასთან დაკავშირებული პროგრამული მედიკამენტები, რომელიც ონკოლოგიური დიაგნოზის მქონე პაციენტებისთვისაა საჭირო, სრულად დაფინანსდება