რას მიირთმევს ბიონსე ფორმის შენარჩუნებისთვის? - ვარსკვლავის დიეტა

გასულ წელს, ბიონსემ ტყუპები გააჩნა, მშობიარობიდან 3 თვის შემდეგ კი უკვე კონცერტზე გამოვიდა. როგორ უნდა შევინარჩუნოთ მსგავსი ენერგიულობა და ამასთან სხეულის ფორმებიც?

 

1)არ უარყოთ ვეგანური დიეტა

მართალია მომღერალი ვეგეტარიანელი არაა, მაგრამ ცნობილი კონცერტების წინ ხორცზე უარს ამბობს. წელს, Coachella-ს ფესტივალის წინ ბიონსემ 22 დღიანი ვეგეტარიანული დიეტა დაიცვა. ფილმის, Dreamgirls-ის გადაღებებისთვის წონაში დასაკლებად კი ლიმონათის დიეტა დაეხმარა. ბიონსე ორგანიზმის გაწმენდისთვის დეტოქს-სასმელებს წყლისგან, ლიმნის წვენისგან და სიროფებისგან ამზადებდა.

პირველი მშობიარობის შემდეგ, მომღერალმა დაბალკალორიული დიეტა დაიცვა: ომლეტი ან ბოსტნეულის სმუზი საუზმეზე, თევზი და დიდი რაოდენობის ბოსტნეული სადილსა და ვახშამზე.

2)აკონტროლეთ რაციონი

ბიონსეს რაციონის კონტროლი თავად უყვარს. მის საკონცერტო მენიუშია ნუში და დიეტური ხრაშუნა პური. ნებისმიერი არაჯანსაღი საკვები კულისებში მკაცრადაა აკრძალული. სცენაზე გასვლის წინ ორგანიზმი სტრესს განიცდის, ამიტომაც სწორი კვება ნეგატიური ზემოქმედების თავიდან არიდების საშუალებაა.

3)დალიეთ ბევრი სითხე

ბიონსე ბევრ წყალს სვამს. "ვცდილობ ჩემს თავზე ვიზრუნო ამიტომაც ყოველდღე 4/5 ლიტრ ლიმნიან წყალს ვსვამ, განსაკუთრებით რეპეტიციებზე. ამ გზით დარწმუნებული ვარ, რომ ჩემი ორგანიზმი საჭირო ვიტამინებს იღებს"ამასთან, მას საზამთროს წვენიც უყვარს.

4) ნახშირწყლებით თავი დააჯილდოვეთ

ბიონსე დარწმუნებულია, რომ არაა აუცილებელი ფორმაში ყოფნისთვის საკუთარ თავს საყვარელი კერძი აუკრძალოთ. ხანდახან მომღერალი ბატიბუტით ან შოკოლადით ხელში გადაღებულ სურათებს აქვეყნებს. "ჩემი კანი ბრწყინავს და არაა აუცილებელი ნახშირწყლებზე უარი ვთქვა. ასე უკეთაც მძინავს." - აცხადებს არტისტი.

5) არ დაგავიწყდეთ დასვენება

"ჩემი იდეალური კვირა დღე ასე გამოიყურება: საყვარელ პიცერიაში სადილი, წითელი ღვინო და არანაირი საუბრები სამსახურზე". - აცხადებს ბიონსე. იტალიურ რესტორანში ბიონსეს საფირმო კერძი პასტა და სენდვიჩია.  ამასთანავე, ვეგეტარიანულ "ქაფქეიქსა" და შოკოლადს მიირთმევს.

წყარო: okmagazine.ge

წაკითხვა 349 ჯერ განახლდა განახლდა ოქტომბერი 02 2018
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.