ოქროს გლობუსის წამყვანი ვარსკვლავებს: არ ხართ იმ მდგომარეობაში, საზოგადოებას რამე ასწავლოთ
ოქროს გლობუსის რიგით 77-ე დაჯილდოება ინგლისელი კომიკოსი, მწერალი და მსახიობი რიკი ჯერვაისი იყო, რომელმაც ჩვეული იუმორით მთელ ჰოლივუდსა და თითქმის ყველა სტრიმინგ კომპანიას დასცინა.
ჯერვაისს ოქროს გლობუსის დაჯილდოება წელს მეხუთედ მიჰყავდა.
"ძალიან კმაყოფილები იქნებით, როცა გაიგებთ, რომ ბოლო შემთხვევაა, როდესაც ოქროს გლობუსის დაჯილდოება მიმყავს. აღარ მაინტერესებს [გეწყინებათ, თუ არა]. ვხუმრობ... არც არასდროს მაინტერესებდა,"- თქვა ჯერვაისმა.
მან ჰოლივუდის მსახიობებსა და რეჟისორებს მოუწოდა, რომ ჯილდოს აღების შემთხვევაში პოლიტიკური განცხადებები არ გააკეთონ.
"თუკი დღეს ჯილდოს მიიღებთ, არ გამოიყენოთ ეს პლატფორმად პოლიტიკური სიტყვის წარმოსათქმელად. თქვენ არ ხართ იმ მდგომარეობაში, რომ საზოგადოებას რამე ასწავლოთ. თქვენ არაფერი იცით ნამდვილ სამყაროზე. თუკი მოიგებთ, მიიღეთ თქვენი ჯილდო, მადლობა გადაუხადეთ თქვენს აგენტს, თქვენს ღმერთს და გაა***თ. ბევრმა თქვენგანმა სკოლაში იმაზე ნაკლები დრო გაატარა, ვიდრე გრეტა თუნბერგმა,"- თქვა ჯერვაისმა.
7-წუთიანი მონოლოგის განმავლობაში ჯერვაისი აბსოლუტურად ყველა მსახიობს, რეჟისორსა თუ სცენარისტს შეეხო, რამაც რამდენიმე შემთხვევაში დარბაზში უხერხულობა გამოიწვია. NBC Entertainment-ს, რომელსაც დაჯილდოვების პირდაპირი ეთერი ჰქონდა, ორჯერ დასჭირდა ჯერვაისისთვის ცენზურის დადება.
სიახლეები
- "რუსეთმა დაიწყო ჰიბრიდული სტრატეგია და ცდილობს, შეგვაჩეროს ევროკავშირში გაწევრიანების გზაზე და მათ, ცხადია, ეხმარება დღევანდელი ხელისუფლება - ეს არის რუსული კანონი, პუტინის კანონის ზუსტი ასლი" - პრეზიდენტი
- "ვინმე და რამე სამოქალაქო საზოგადოებას თუ აზიანებს, ეს არიან არასამთავრობო სექტორს ამოფარებული პარტიები, პოლიტიკაში ყოფნა უნდათ, მაგრამ გამოჩენა - არა" - არჩილ თალაკვაძე
- 18-მდე გაიზარდა ჩერნიგოვზე რუსეთის სარაკეტო დარტყმის შედეგად დაღუპულთა რიცხვი
- ნიგვზის ნაყინი
- ძალაში შევიდა ცვლილება, რომლითაც ქიმიოთერაპიასთან, ჰორმონოთერაპიასთან და იმუნოთერაპიასთან დაკავშირებული პროგრამული მედიკამენტები, რომელიც ონკოლოგიური დიაგნოზის მქონე პაციენტებისთვისაა საჭირო, სრულად დაფინანსდება