ტექნიკურ ინსპექტირებას გამონაბოლქვზე ვერ გაივლიან ავტომობილები, რომელსაც კატალიზატორი ამოჭრილი აქვს
ბოლო 3 წელიწადში საქართველოში კატალიზატორების ექსპორტი (ღირებულებით ნაწილში) 13 557%-ით ანუ 136-ჯერ აღემატება იმპორტს. ამის შესახებ შემოსავლების სამსახურის მიერ პარლამენტის წევრის მიხეილ დაუშვილის სადეპუტატო კითხვის პასუხად გაგზავნილ მონაცემებშია აღნიშნული.
როგორც შემოსავლების სამსახურის მონაცემებიდან ჩანს, 2020 წლიდან მოყოლებული 2023 წლის აპრილის ჩათვლით პერიოდში საქართველოში 477 617 დოლარის ღირებულების 21 192 კატალიზატორი შემოვიდა, მაშინ როცა, ამავე საანგარიშო პერიოდში კატალიზატორების ექსპორტმა 286 373 ცალი შეადგინა, რაც ღირებულებით ნაწილში - 65 228 454 აშშ დოლარია.
ამასთან, შემოსავლების სამსახურის მონაცემებით, 2015 წლიდან მოყოლებული 2023 წლის აპრილის ჩათვლით პერიოდში, საქართველოდან ექსპორტზე 97 776 545 აშშ დოლარის ღირებულების, 701 440 კატალიზატორი გავიდა.
როგორც ავტოიმპორტიორთა ასოციაციის დამფუძნებელმა ალექსი ნონიაძემ განაცხადა, კატალიზატორების ავტომობილიდან მოხსნის და ქვეყნიდან ექსპორტის გაზრდილი მაჩვენებელი რამდენიმე ფაქტორითაა განპირობებული, მთავარი კი ისაა, რომ აქამდე ეკოლოგიური სტანდარტები არ იყო დაცული ქვეყანაში.
„ჩვენთან რეგისტრირებული 1.5 მლნ ავტომობილიდან 90%-ზე მეტი 20 წელზე მეტის არის, თუმცა, იქიდან გამომდინარე რომ ეკოლოგიური სტანდარტები არ იყო დაცული და ყურადღება არ ექცეოდა კატალიზატორებს, შედეგად მივიღეთ ის სურათი, რომ კატალიზატორებს ხსნიდნენ და ყიდდნენ სხვა ქვეყანაში. იმ ავტომობილებში, რომელსაც ამოჭრილი აქვს კატალიზატორი, მისი უკან დაბრუნება ძალიან ძნელია. მართალია უკვე გაჩნდა ისეთი მომსახურებები, რომელიც სოლიდური თანხის სანაცვლოდ სთავაზობს მომხმარებელს ამოჭრილი კატალიზატორის ისევ მონტაჟს ავტომობილში, თუმცა გარანტიას ვერ გაძლევენ, რომ ასეთი ჩარევის შემდეგ ეს ავტომობილი გაივლის ტექნიკურ ინსპექტირებას გამონაბოლქვზე. გამოდის, რომ ფაქტობრივად კატალიზატორი მაინც არ აქვს ავტომობილს“,- აღნიშნა ნონიაძემ.
სიახლეები
- ტირამისუ
- "სალომე ზურაბიშვილი კონსტიტუციის დარღვევის შემდეგ, ახლა უკვე ქართველი ხალხის დაცინვაზე გადავიდა - „ერთდღიანი კანონი უნდა მივიღოთ“, ხალხის დაცინვაა" - შალვა პაპუაშვილი
- „უცხოური გავლენის გამჭვირვალობის შესახებ“ პროექტზე ევროსაბჭოს წიაღში არსებული, საერთაშორისო ექსპერტების მიერ მომზადებულ დასკვნას აქვეყნებს, რომელიც მისივე განმარტებით, „უმძიმეს შეფასებებს“ მოიცავს " - ანა ნაცვლიშვილი
- "ახალგაზრდებს პირდაპირი ეთერის ფორმატში საჯარო დისკუსიაში მონაწილეობა შევთავაზე, თუმცა იმავე წამს რადიკალებს მხრიდან ახალგაზრდების ბულინგი დაიწყო და ამ პირობებში ვერც ერთმა ჯგუფმა მონაწილეობა ვერ გარისკა" - პრემიერი
- მთავრობა ევროპის ჩემპიონატისთვის თვითმფრინავის 3000 ბილეთის სუბსიდირებას გეგმავს