"საქართველოში უმუშევრობა მცირდება რუსეთის მოქალაქეების დასაქმებისა და საქართველოს მოქალაქეების უცხოეთში გასვლის გამო" - რომან გოცირიძე
საქართველოში უმუშევრობა მცირდება რუსეთის მოქალაქეების დასაქმებისა და საქართველოს მოქალაქეების უცხოეთში გასვლის გამო, – ამის შესახებ ოპოზიციონერმა დეპუტატმა, რომან გოცირიძემ განაცხადა.
როგორც რომან გოცირიძემ აღნიშნა, რუსეთის მოქალაქეები საქართველოში ქმნიან ინდივიდუალურ საწარმოებს და საქართველოში დასაქმებულებად ითვლებიან.
„ჩვენ არ გვაქვს 2023 წლის სტატისტიკა, შარშან ასი ათასი ჩვენი მოქალაქე დარჩა უცხოეთში. უმუშევრობის შემცირება ნიშნავს, რომ ამ წელსაც ხდება ჩვენი მოქალაქეების ძალიან დიდი რაოდენობით გადინება, ძირითადად იმ ადამიანებისა, რომლებიც სამუშაო ძალას მიეკუთვნებიან, ანუ ახალგაზრდა, შრომოსუნარიანი ჩვენი მოქალაქეები გადიან უცხოეთში. ეს არის მთავარი მიზეზი უმუშევრობის შემცირებისა. გარდა ამისა, უმუშევრობის შემცირების მთავარი ფაქტორი არის რუსეთის მოქალაქეების საქართველოში დასაქმება, ისინი ქმნიან ინდივიდუალურ საწარმოებს. საკმარისია, დარეგისტრირდე ინდმეწარმედ და ერთი დოლარი ჩაგერიცხოს ანგარიშზე, უკვე ფაქტობრივად ნიშნავს, რომ საქართველოში ხარ დასაქმებული. 20 ათასი ინდივიდუალური საწარმო შექმნეს ომის დაწყებიდან დღემდე რუსეთის მოქალაქეებმა საქართველოში და გარდა ამისა, უკვე სერიოზული ბიზნესები აქვთ, როგორებიცაა შეპესეები, სადაც ასაქმებენ თავიანთ მოქალაქეებს. საქართველოში უმუშევრობა მცირდება რუსეთის მოქალაქეების დასაქმებისა და საქართველოს მოქალაქეების უცხოეთში გასვლის გამო“, – განაცხადა გოცირიძემ.
სტატისტიკის ეროვნული სამსახურის ინფორმაციით, 2023 წლის II კვარტალში საქართველოში უმუშევრობის დონე წინა წლის შესაბამის პერიოდთან შედარებით 1.4 პროცენტული პუნქტით შემცირდა და 16.7 პროცენტი შეადგინა.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი