გაერო - რომელ სფეროში დასაქმებულ ადამიანებს ემუქრებათ სამსახურის დაკარგვა კორონავირუსის პანდემიის ფონზე?
გაეროს შრომის საერთაშორისო ორგანიზაციის ინფორმაციით, კორონავირუსმა არა მხოლოდ ჯანდაცვის კრიზისი, არამედ ეკონომიკური და შრომითი ბაზრის კრიზისიც გამოიწვია.
"ეს უკვე მსოფლიო ჯანდაცვის კრიზისი აღარაა. ეს შრომითი ბაზრის და ეკონომიკური კრიზისიცაა",-აცხადებენ ორგანიზაციაში.
მათივე ინფორმაციით, პანდემიის ფონზე, შესაძლოა, 24 მილიონი ადამიანი უმუშევარი დარჩეს.
"გლობალური უმუშევრობა, შესაძლოა, სულ მცირე 5.3 მილიონით გაიზარდოს, ხოლო უფრო სხვა სცენარით, 24 მილიონით",-ნათქვამია განცხადებაში.
ორგანიზაციის განცხადებით, მსოფლიოს მასშტაბით სამსახურის დაკარგვა განსაკუთრებით თვითსაქმებულებს, მომსახურების სფეროსა და ტურიზმის სფეროში დასაქმებულებს, ასევე არალეგალ მიგრანტებს ემუქრებათ.
გაერო არსებულ ვითარებას 2008-2009 წლების კრიზისსაც ადარებს.
ცნობისთვის, აღნიშნულ წლებში სამუშაო ადგილი 22-მა მილიონმა ადამიანმა დაკარგა.
სიახლეები
- უკრაინის მოქალაქეებს საქართველომ უვიზოდ ყოფნის ვადა სამ წლამდე გაუხანგრძლივა
- "მოსახლეობის უმრავლესობას სურს კანონი, რომელიც ერთი მხრივ, დაიცავს ყველას უფლებას, მეორე მხრივ, მომავალ თაობას არატრადიციული ცხოვრების წესის პროპაგანდისგან" - მამუკა მდინარაძე
- სააღდგომო კულიჩი
- პრეზიდენტმა ლაზარე გრიგორიადისის შეწყალების აქტი გამოსცა
- შსს აფრთხილებს აქციის მონაწილეებს, რომლებიც პარლამენტთან იკრიბებიან