March 29, 2024

დღეიდან საქართველოში ონლაინვაჭრობა ისევ ნებადართულია

საქართველოში ონლაინვაჭრობა ისევ დასაშვები გახდა.

მთავრობამ ახალი დადგენილება გამოსცა, რომელიც დღეიდან, 2 აპრილიდან ძალაშია. ინფორმაცია რადიო თავისუფლებას მთავრობის ადმინისტრაციაში დაუდასტურეს.

 

იმისთვის, რომ კომპანიამ ონლაინ გაყიდოს პროდუქტი, აუცილებელია დისტანციურად, სახლიდან ამუშაოს თანამშრომლები. იმ შემთხვევაში, თუ თანამშრომლის სამსახურში ყოფნა დაწესებულების ფუნქციონირებისთვის "კრიტიკულად აუცილებელია", დასაშვებია ოფისში მაქსიმუმ 5 ადამიანის ყოფნა.

 

ამ დრომდე ონლაინ მხოლოდ მზა საჭმელის გამოძახება იყო დასაშვები. ახალი დადგენილებით კი ამ ჩამონათვალს დაემატა საკვები პროდუქტი, სურსათისა და სამედიცინო დანიშნულების ნივთების მიტანის სერვისით ყიდვაც.

 

მაგალითად, თუკი ამ დრომდე მხოლოდ პიცისა და წვნიანის შეკვეთა შეგეძლოთ, ახლა უკვე დისტანციურად წიგნის, სათამაშოს და სხვა თქვენთვის საჭირო ნივთებსაც იყიდით.

 

საქართველოში ონლაინვაჭრობა რამდენიმე დღის წინ, მთავრობის 30 მარტის დადგენილებით საგანგებო მდგომარეობის დასრულებამდე, 21 აპრილამდე, შეიზღუდა.

 

გუშინ, პირველ აპრილს საქართველოს პრემიერმა, გიორგი გახარიამ "იმედის" ეთერში განაცხადა, რომ თუ კომპანიები ჯანდაცვის პირობებს შეასრულებდნენ, ონლაინგაყიდვების ნებართვას მიიღებდნენ.

წაკითხვა 496 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.