ცნობილი რუსი მსახიობი, რომელმაც საქართველოდან ორი ძაღლი "იშვილა" და მათ ქართული სახელები დაარქვა

34 წლის მსა­ხი­ო­ბი და რე­ჟი­სო­რი და­ნი­ლა კოზ­ლოვ­სკი რუ­სუ­ლი კი­ნოს ვარ­სკვლა­ვია.

 

ახალ­გაზ­რდა ასა­კის მი­უ­ხე­და­ვად 50-მდე ფილმში და ათამ­დე სპექ­ტაკლში აქვს მო­ნა­წი­ლე­ო­ბა მი­ღე­ბუ­ლი, მოღ­ვა­წე­ობს რუ­სეთ­სა და აშშ-ში, რამ­დე­ნი­მე ჰო­ლი­ვუ­დურ ფილმში და ცნო­ბი­ლი ბრენ­დის მათ შო­რის Chanel-ის სა­რეკ­ლა­მო რგოლ­ში გა­და­ი­ღეს მსა­ხი­ობ კირა ნა­ით­ლის­თან ერ­თად.

 

 

 

 

ქა­ლე­ბის გულ­თამ­პყრო­ბე­ლი კოზ­ლოვ­სკი თავ­ბრუ­დამ­ხვე­ვი კა­რი­ე­რის გარ­და ქველ­მოქ­მე­დე­ბი­თა და ცხო­ვე­ლე­ბი­სად­მი სიყ­ვა­რუ­ლი­თაც გა­მო­ირ­ჩე­ვა.

 

 

ამ­ჟა­მად ის ორ მი­უ­სა­ფარ ძაღლს პატ­რო­ნობს - ორი­ვე მათ­გა­ნი მსა­ხი­ობ­მა სა­ქარ­თვე­ლო­დან წა­იყ­ვა­ნა.

 

 

 

 

და­ნი­ლა კოზ­ლოვ­სკის ხში­რად უწევს სა­ქარ­თვე­ლო­ში მოგ­ზა­უ­რო­ბა, გა­და­ღე­ბე­ბის ან პი­რა­დი საქ­მე­ე­ბის გამო. 2018 წლის დად­გო­მას, მსა­ხი­ო­ბი შეყ­ვა­რე­ბულ­თან ოლგა ზუ­ე­ვას­თან და მე­გობ­რებ­თან ერ­თად, რო­მელ­თა შო­რი­საც მომ­ღე­რა­ლი თე­ო­ნა კონ­ტრი­ძეც იყო, ყაზ­ბეგ­ში შეხ­ვდა.

 

 

სწო­რედ 2018 წელს და სწო­რედ ყაზ­ბეგ­ში იპო­ვა რუს­მა მსა­ხი­ობ­მა თა­ვი­სი ახა­ლი სიყ­ვა­რუ­ლი - მი­უ­სა­ფა­რი ძაღ­ლი, რო­მე­ლიც თან წა­იყ­ვა­ნა:

 

 

 

 

"ყო­ველ­თვის ვოც­ნე­ბობ­დი ლაბ­რა­დო­რი მყო­ლო­და, თუმ­ცა სხვაგ­ვა­რად გა­მო­ვი­და... ეს სა­ქარ­თვე­ლო­ში მოხ­და, მთე­ბის­კენ მი­მა­ვალ გზა­ზე, როცა ახალ წლამ­დე რამ­დე­ნი­მე სა­ა­თი იყო დარ­ჩე­ნი­ლი. მე და ოლ­გამ მან­ქა­ნა გა­ვა­ჩე­რეთ, რად­გან ტრა­სა­ზე რა­ღაც სას­წა­უ­ლი და­ვი­ნა­ხეთ... ვი­ფიქ­რეთ წაგ­ვეყ­ვა­ნა და სა­ი­მე­დო ხელ­ში გა­დაგ­ვე­ცა... მაგ­რამ ისე შე­ვიყ­ვა­რეთ, რომ ჩვენ­თან და­ვი­ტო­ვეთ. ეს სა­ოც­რად ერ­თგუ­ლი, ტკბი­ლი და კე­თი­ლი ძაღ­ლია.

 

 

ამ­ბის მო­რა­ლი ისაა, რომ არ არ­სე­ბობს იმა­ზე უკე­თე­სი ცხო­ვე­ლი, რო­მელ­საც თა­ვად გა­და­არ­ჩენ უსიყ­ვა­რუ­ლო­ბის­გან. ეს მე­ტია, ვიდ­რე მო­დუ­რი და არაჩ­ვე­უ­ლებ­რი­ვი ლაბ­რა­დო­რი. ჩვენს ძაღლს და­ვარ­ქვით Грузия, მისი შე­მოკ­ლე­ბუ­ლი სა­ხე­ლია გრუ­შა. ის კოს­მო­სია" - ასე იხ­სე­ნებს კოზ­ლოვ­სკი მისი პირ­ვე­ლი შე­ფა­რე­ბუ­ლი ძაღ­ლის ის­ტო­რი­ას.

 

 

 

 

 

 

გრუ­შა გა­ი­ზარ­და, დამ­შვენ­და, მზრუნ­ველ პატ­რო­ნებ­თან ერ­თად სხვა­დას­ხვა ქა­ლაქ­ში, კუ­რორტზე თუ სას­ტუმ­რო­ში იმოგ­ზა­უ­რა და კოზ­ლოვ­სკის მი­ლი­ონ­ზე მეტი გა­მომ­წე­რის­თვის კარ­გად ნაც­ნო­ბი ძაღ­ლია.

 

 

თუმ­ცა, გა­ვი­და თით­ქმის ერთი წელი და ის­ტო­რია გან­მე­ორ­და...

 

 

ამ­ჯე­რად, სა­ქარ­თვე­ლო­ში სა­მუ­შაო ვი­ზი­ტით ჩა­მო­სულ­მა და­ნი­ლა კოზ­ლოვ­სკიმ, მი­უ­სა­ფა­რი ძაღ­ლი თბი­ლი­სის შე­მო­გა­რენ­ში იპო­ვა და გულ­მა ვერ მო­უთ­მი­ნა, რომ ისიც თან არ წა­ეყ­ვა­ნა. მის ის­ტო­რი­ას კოზ­ლოვ­სკი "ინ­სტაგ­რა­მის" პი­რად გვერ­დზე წერს:

 

 

 

 

"სა­ქარ­თვე­ლო­ში გა­და­ღე­ბებ­ზე წა­ვე­დით. თბი­ლი­სი­დან გა­მოვ­დი­ვართ და გზა­ზე ეს პა­ტა­რა სას­წა­უ­ლი მი­დის, მან­ქა­ნას სას­წრა­ფოდ ვა­ჩე­რებთ, ლერა, DK entertainment-ის დი­რექ­ტო­რი, ქუ­ჩა­ზე გა­დარ­ბის და ის ხელ­ში აჰ­ყავს. სა­კუ­თარ თავს ვე­უბ­ნე­ბი: "მან­ქა­ნი­დან ნუ გა­დახ­ვალ, შენ ხომ უკვე გყავს გრუ­შა?" ნა­პოვ­ნი, უფრო სწო­რად სამ­ყა­როს­გან გა­მოგ­ზავ­ნი­ლი ძაღ­ლი, რო­მე­ლიც აქვე ახ­ლოს ვი­პო­ვე ერთი წლის წინ...

 

 

რა თქმა უნდა, უკვე ვი­ცით, რომ ამ პა­ტა­რა გო­გო­ნას აქ ვერ დავ­ტო­ვებთ. მი­წა­ზე დავ­სვით ლეკ­ვი და წყლის სმა და­ი­წყო და სა­ნამ ვფიქ­რობ­დით, რა მოგ­ვე­ხერ­ხე­ბი­ნა მის­თვის, ჩემ­თან მო­ვი­და, ფეხ­საც­მელ­ზე თავი და­მა­დო და თვა­ლებ­ში შემ­ხე­და...

 

 

 

 

ეს ბოლო და ყვე­ლა­ზე და­მა­ჯე­რე­ბე­ლი არ­გუ­მენ­ტი იყო მისი მხრი­დან - ხელ­ში ავიყ­ვა­ნეთ და ვე­ტე­რი­ნარ­თან წა­ვე­დით, ქა­ლაქ­ში. მას იმ რა­ო­დე­ნო­ბის რწყი­ლე­ბი აღ­მო­აჩ­ნდა, ალ­ბათ ორ კვი­რა­ში ანე­მი­ით მოკ­ვდე­ბო­და. იმა­ვე სა­ღა­მოს უნდა გავფრე­ნი­ლი­ყა­ვით უკან. სა­ჭი­რო იყო უამ­რა­ვი სა­ბუ­თი და პრო­ცე­დუ­რა, რომ ლეკ­ვი წა­მოგ­ვეყ­ვა­ნა. მად­ლო­ბა ჩემს ქარ­თველ მე­გობ­რებს, რომ­ლებ­მაც ყვე­ლა­ფე­რი გა­ა­კე­თეს ამის­თვის.

 

 

ახლა, ის თბილ ხა­ლი­ჩა­ზე წევს ოფის­ში და ჰყავს ადა­მი­ა­ნი, რო­მე­ლიც მას­ზე მთე­ლი გუ­ლით იზ­რუ­ნებს - ლერა. ჩვენ რა თქმა უნდა, მის გვერ­დით ვართ.

 

 

რა­ტომ ვწერ ამას: თუ ოდეს­მე და­ფიქ­რდე­ბით, აიყ­ვა­ნოთ ძაღ­ლი ან კატა თავ­შე­საფ­რი­დან, ან უბ­რა­ლოდ ქუ­ჩა­ში მო­ხე­ტი­ა­ლეს წა­ა­წყდე­ბით, არ შე­შინ­დეთ, აიყ­ვა­ნეთ. თქვენ აჩუ­ქებთ სი­ცო­ცხლეს და სა­ნაც­ვლოდ, უდი­დეს სიყ­ვა­რულ­სა და სით­ბოს მი­ი­ღებთ. ჩვე­ნი მე­გო­ბა­რი პას­პორ­ტით Тбилисо Сихварули გახ­ლავთ, რაც ქარ­თუ­ლად საყ­ვა­რელ თბი­ლისს ნიშ­ნავს" - წერს კოზ­ლოვ­სკი.

 

 

 

https://www.ambebi.ge/

წაკითხვა 3623 ჯერ განახლდა განახლდა დეკემბერი 07 2019
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.