სტეფანწმინდა მსოფლიოს ულამაზეს დასახლებებშია: მსოფლიო რეიტინგი

სტეფანწმინდა მსოფლიოს ყველაზე ლამაზ პატარა დასახლებებში მოხვდა. რეიტინგი პორტალმა Thrillist.com-მა შეადგინა.

 

გამოცემამ გამოარჩია უნიკალური არქიტექტურა და მხარის ბუნებრივი სილამაზე, ასევე XIV საუკუნის უიშვიათესი სილამაზის გერგეტის სამების ტაძარი, რომელიც ყაზბეგის მთების ძირას დგას.

 

 

 

 

სტეფანწმინდა ცნობილი კლიმატური და ბალნეოლოგიური საკურორტო ადგილია. ქართულიდან თარგმანში სტეფანწმინდა ნიშნავს წმინდა სტეფანეს. დასახლებას 1921-2007 წლებში ყაზბეგი ერქვა. მდებარეობს თბილისიდან 165 კილომეტრში ჩრდილოეთის მიმართულებით, ზღვის დონიდან 1744 მეტრზე.

 

 

„არქიტექტურა და ბუნებრივი სილამაზე იშვიათად ქმნის მსგავს ჰარმონიას. აქ ყველას მთები იზიდავს, სადაც დგას გერგეთის სამება და მეზობელი სამრეკლო. ისინი მდებარეობს ყინულით დაფარული ყაზბეგის მთის ფონზე. ბუნებრივი სილამაზის გარდა სტეფანწმინდა იდეალური ადგილია წყაროების, ჩანჩქერების და ეროვნული პარკის ტბების შესასწავლად“, – წერს გამოცემა.

 

 

 

ყველაზე ლამაზი დასახლებების სიაში ასევე შევიდნენ: როტენბურგი (გერმანია), სუზდალი (რუსეთი), ეზ (საფრანგეთი), პორტ დუგლასი (ავსტრალია), რინკონი (პუერტო რიკო), ჩეშსკი-კრუმლოვი (ჩეხეთი), წმინდა მადალენა (იტალია), კო ფი ფი (ტაილანდი), პარატი (ბრაზილია) და სხვები.

 

 

Thrillist – ონლაინ პორტალია, რომელიც ეროვნულ სამზარეულოზე, სასმელებზე, ღირსშესანიშნაობებსა და გასართობზე მოუთხრობს. კომპანია 2004 წელს დაარსდა და ნიუ-იორკში მდებარეობს.

წაკითხვა 45 ჯერ განახლდა განახლდა თებერვალი 12 2020
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.