მესაკუთრეებმა პრევენციული ღონისძიებების ამსახველი ფოტო-მასალა თვალსაჩინო ადგილას უნდა განათავსონ.  ჰიგიენური ნარცენებისთვის უნდა გამოიყოს დახურული კონტეინერი ერთჯერადი პლასტიკური პაკეტით. chek out-ის, ანუ სტუმრის გასვლის შემდეგ, უნდა ჩატარდეს დეზინფექცია, ოთახი უნდა განიავდეს 4 საათის განმავლობაში, დალაგება-დასუფთავებისას პერსონალური დაცვის საშუალებების გამოყენება სავალდებულოა. დალაგებამდე და დალაგების შემდეგ დამლაგებელმა ხელები უნდა დაიბანოს საპნიანი წყლით, ან უნდა დაიმუშავოს ხელები სადეზინფექციო ხსნარით.

აუცილელია ხშირად შეხებადი ზედაპირებისა და დაბინძურებადი წერტილების დამუშავება სადეზინფექციო ხსნარით. რბილი იატაკი და ავეჯი სპეციალური საწმენდი საშუალებით უნდა გაიწმინდოს. ყოველი მოხმარების შემდეგ მტვერსასრუტიც უნდა დამუშავდეს სადეზინფექციო საშუალებით. 

გამოყენებული თეთრეული და პირსახოცები იზოლირებულად უნდა შეგროვდეს სპეციალურად ამ მიზნისთვის გამოყოფილ ტომარაში. ის უნდა გაირეცხოს არანაკლებ 60 გრადუსზე.

არ არის რეკომენდებული მშრალი დაგვა და მტვრის გადაწმენდა, უმჯობესია ის სველი ტილოთი მოხდეს.

გასაღებით ინფექციის გადატანის თავიდან ასაცილებლად, სასურველია  სტუმრის მიღება-გასვლის დისტანციური სისტემის ამოქმედება.