"თავმჯდომარემ ითხოვა რომ უბანი ყველას დაეტოვებინა" - სალაძე
"კომისიის თავმჯდომარემ უბანზე ითხოვა რომ ყველას დაეტოვებინა უბანი დეზინფექციის ჩატარების მიზნით",- ამის შესახებ "ახალგაზრდა იურისტთა ასოციაციის" თავმჯდომარემ განაცხადა.
სულხან სალაძის თქმით, გარდა იმისა, რომ ფაქტი კანონდარღვევაა და უბანი ფაქტობრივად დამკვირვებლის გარეშე რჩებოდა , "ახალგაზრდა იურისტთა ასოციაციის" დამკვირვებელს ეუბნებოდნენ, რომ ეს საჩივარი უკან გამოეხმო.
"ჩვენი დამკვირვებლის მიერ დაფიქსირდა, რომ კომისიის თავმჯდომარემ უბანზე ითხოვა რომ ყველას დაეტოვებინა უბანი დეზინფექციის ჩატარების მიზნით. პრაქტიკულად, უბანი დარჩა მეთვალყურეობის გარეშე, მხოლოდ დამლაგებელი რჩებოდა უბანზე, რაზეც ჩვენმა დამკვირვებელმა გამოთქვა სიტყვიერი შენიშვნა. ამას მოჰყვა უკმაყოფილება უბანზე, მას მოსთხოვეს, რომ დაკორექტირებულიყო მისი შენიშვნა და სიტყვა ჩასვეს ფრჩხილებში, მისი ნებართვის გარეშე, თითქოს ცდილობდნენ გადაეშალათ საერთოდ ეს სიტყვა, რომ იქ არ ყოფილიყო დაფიქსირებული "დატოვება".
თუმცა, ეს არის მხოლოდ ერთი მხარე ამ პრობლემის. მეორე მხარე არის ის, რომ ამის შემდგომ გაგრძელდა მასთან დამატებით კომუნიკაცია, მას სთხოვეს რომ გამოსულიყო გარეთ და ეუბნებოდნენ, რომ ეს საჩივარი საერთოდ გამოეხმო, რომ თბილისი პატარა ქალაქია და მათ იციან მისი მისამართი. მას კონკრეტული პირები ეუბნებოდნენ ამის შესახებ. ეს არის დამკვირვებლის საქმიანობაში ხელის შეშლა. ერთი ის, რომ საარჩევნო კანონმდებლობის დარღვევაა, რომ უბანი რჩებოდა ყოველგვარი მეთვალყურეობის გარეშე, მაგრამ მეორე ნაწილი ემატება ამას, რომელიც არის დამკვირვებლის საქმიანობაში ხელის შეშლა," - განაცხადა სულხან სალაძემ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი