კობახიძის თქმით, საკუთარი კანდიდატურა რომ არ დაეყენებინა, გახარია "ოცნებისგან" ფულს ითხოვდა
პარტია "ქართული ოცნების" თავმჯდომარის, ირაკლი კობახიძის თქმით, საკუთარი კანდიდატურა რომ არ დაეყენებინა, პარტია "საქართველოსთვის" თავმჯდომარე "ქართული ოცნებისგან" ფინანსურ მხარდაჭერას ითხოვდა.
კობახიძის თქმით, კახა კალაძესა და გიორგი გახარიას შორის შეხვედრაც შედგა.
"იყო კომუნიკაციის მცდელობა შუამავლის მეშვეობით ფინანსურ თემაზე, იყო საუბარი იმაზე, რომ თუ იქნებოდა ჩვენი მხრიდან ფინანსური დახმარება არ დააყენებდა საკუთარ კანდიდატურას, რაზეც მიიღო შესაბამისი პასუხი. ალბათ კეზერაშვილში შევეშალეთ.
ამის შემდეგ მისი მხრიდან იყო ზარები და ითხოვდა შეხვედრას. დღეს შედგა შეხვედრა კახი კალაძესა და გახარიას შორის, სადაც უთხრა კახი კალაძეს, რომ ის აპირებდა კანდიდატურის დაყენებას, რაზეც კალაძისგან მიიღო პასუხი, რომ ეს მისთვის არაა საინტერესო", - განაცხადა ირაკლი კობახიძემ.
გიორგი გახარია "ქართულ ოცნებას" დეზინფორმაციის გავრცელებაში ადანაშაულებს და ირაკლი კობახიძის მიერ გავრცელებულ ინფორმაციას უარყოფს.
"ჰაერის რხევაა, რასაც ისინი ახლა ლაპარაკობენ და დიდი ინტერესი არ მაქვს რას ამბონენ," - აცხადებს გიორგი გახარია.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი