მიიღებენ თუ არა არჩევნებში მონაწილეობას კარანტინში და სტაციონარში მოთავსებულები
მესამე მოსმენით დამტკიცებული "საარჩევნო კოდექსშის" მიხედვით, ცენტრალური საარჩევნო კომისია მიიღებს გადაწყვეტილებას, მიიღებენ თუ არა 2020 წლის საპარლამენტო არჩევნებში მონაწილეობას საკარანტინო სივრცეებსა და სტაციონარში მოთავსებული პირები.
ცვლილებების თანახმად, "საარჩევნო კოდექსის" 199-ე მუხლი COVID-19-ის გავრცელების პრევენციის მიზნით, ჯანდაცვის სამინისტრო ვალდებულია, კენჭისყრამდე არაუგვიანეს მე-6 დღისა ცესკოს გადასცეს იმ პირთა სია, რომლებიც კენჭისყრის დღისათვის საკარანტინო სივრცეებსა და ახალი კორონავირუსით ინფიცირების გამო, სამედიცინო დაწესებულებებში იქნებიან განთავსებულნი.
სამინისტროს მიერ ცესკოსადმი გაცემული რეკომენდაციის საფუძველზე, ცესკო დადგენილებით იღებს გადაწყვეტილებას ზემოაღნიშნულ განთავსების ადგილებში კენჭისყრის ჩატარების მიზანშეწონილობის შესახებ.
კენჭისყრამდე არაუგვიანეს მე-3 დღისა, ამ მონაცემების საფუძველზე, ცესკოს მიერ მტკიცდება სპეციალური სიები, რომელშიც შეყვანილი ამომრჩევლების გვარისა და სახელის გასწვრივ ამომრჩეველთა ერთიან სიაში კეთდება ჩანაწერი: “გადაყვანილია სპეციალურ სიაში“.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი