პარლამენტის პლენარულ სხდომათა დარბაზს ზვიად გამსახურდიას სახელი მიენიჭა
საქართველოს პარლამენტის პლენარულ სხდომათა დარბაზს პირველი პრეზიდენტის ზვიად გამსახურდიას სახელი მიენიჭა.
პარლამენტის თავმჯდომარის, ირაკლი კობახიძის წინადადება ბიურომ დღევანდელ სხდომაზე განიხილა და ერთსულოვნად დაუჭირა მხარი.
“ეს წინადადება არის არგუმენტირებული. 28 წლის წინ, საქართველოს დამოუკიდებლობის აღგენა პირველი პრეზიდენტის, მაშინდელი პარლამენტის თავმჯდომარის მიერ სწორედ პლენარულ სხდომათა დარბაზში გამოცხადდა. ამ აქტისა და საქართველოს პირველი პრეზიდენტის მიმართ პატივისცემის ნიშნად არის შემოთავაზება, რომ პლენარულ სხდომთა დარბაზს პირველი პრეზიდენტის ზვიად გამსახურდიას სახელი ეწოდოს“, - განაცხადა ირაკლი კობახიძემ ბიუროს სხდომაზე.
პარლამენტის ვიცე-სპიკერმა ზვიად ძიძიგურმა ირაკლი კობახიძეს ინიციატივისთვის მადლობა გადაუხადა და აღნიშნა, რომ ზვიად გამსახურდია ის პოლიტიკური ლიდერი იყო, რომელმაც საბჭოთა კავშირის არსებობის პირობებში, მთელი საქართველოს ტერიტორიაზე რეფერენდუმის ჩატარება და 1991 წლის 9 აპრილს დამოუკიდებლობის აღდგენის გამოცხადება გაბედა.
დეპუტატ მირიან წიკლაურის თქმით კი, ამგვარი გადაწყვეტილება აქამდე უნდა ყოფილიყო მიღებული და მნიშვნელოვანია, რომ იდეას დღეს შეესხა ხორცი.
„ზვიად გამსახურდიას სახელის დაფასება უნდა გაგრძელდეს და გაფართოვდეს“, - აღნიშნა მირიან წიკლაურმა.
სიახლეები
- უცხოური ვალუტის ოფიციალური კურსი 25 აპრილისთვის
- ზოდიაქოს ის ნიშნები, რომელთათვისაც 2024 წლის მეორე ნახევარი ტრანსფორმაციისა და არაერთი სასიამოვნო სიახლის ეტაპი იქნება
- "ახლა გავაკეთებთ ყველაფერს, რათა იმ ნახევარი წლის კომპენსირება მოვახდინოთ, რომელმაც დებატებში და ეჭვებში გაიარა"
- "კანონი არის რუსული, რადგან ამ კანონით საქართველოს არ ექნება შანსი, გახდეს ევროკავშირის წევრი"
- "ქვეყანაში ახალგაზრდებთან ბრძოლა არავის არ მოუგია და შესაბამისად ვერც ივანიშვილი და გომელაური ვერ მოიგებს"