"არ შეიძლება მოითმინო, რომ ადამიანს, რომელიც წლების განმავლობაში შენთვის იბრძოდა, შეურაცხყოფა მიაყენო"
ყოფილი პრეზიდენტი გიორგი მარგველაშვილი იმედოვნებს,რომ მთაწმინდის მოსახლეობა სწორ არჩევანს გააკეთებს.
„იმედი მაქვს, რომ მთაწმინდის მოსახლეობა პასუხს გასცემს იმ ძალიან ბიძნურ კამპანიას, რომელიც ერთ-ერთი ჩვენგანის, ჩვენი თანამებრძოლის, მართლა გამორჩეული ადამიანის წინააღმდეგ იყო წარმოებული. არ შეიძლება საზოგადოებამ მოითმინოს, როდესაც იმ ადამიანს, ვინც შენთვის იბრძოდა წლების განმავლობაში, ასე ცდილობენ, რომ შეურაცხყოფა მიაყენონ. მას კი არ აყენებენ შეურაცხყოფას, ჩვენ გვაყენებენ შეურაცხყოფას იმის განცდით, თითქოს ჩვენ ყველაფერს დავიჯერებთ და გადავყლაპავთ. მე მჯერა, რომ მთაწმინდელები თავიანთ პოზიციას დააფიქსირებენ“, - განაცხადა გიორგი მარგველაშვილმა მთაწმინდის ოლქში, ხმის მიცემის შემდეგ.
რაც შეეხება კითხვას, აპირებს თუ არა პოლიტიკაში დაბრუნებას, ყოფილი პრეზიდენტის თქმით, „დღეს თავისი მოქალაქეობრივი პასუხისმგებლობა დააფიქსირა, ყველაზე დიდი პოლიტიკოსობა კი სწორედ საარჩევნო უბანზე მისვლაა“.
სიახლეები
- "ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება"
- "მთავარია, მართლები ვიყოთ საკუთარი სამშობლოს და მისი ღირსეული მომავლის წინაშე, გელოდებით ყველას 29 აპრილს"
- 24-25 აპრილს, ღამის საათებში რიკოთის ძველ გვირაბში შეზღუდვები დაწესდება
- უცხოური ვალუტის ოფიციალური კურსი 24 აპრილისთვის
- ევროპის ისტორიული თერმული ქალაქების დელეგატები იმერეთის კურორტების სამკურნალო თვისებებს ეცნობიან