აკაკი ბობოხიძემ რუსი დეპუტატების მიმართულებით პარლამენტის ტრიბუნიდან წყალი გადაასხა
ამ წუთებში მართლმადიდებლობის საპარლამენტთაშორისო ასამბლეის სესია შეწყვეტილია.
სპიკერატი ოპოზიციას აქვს დაკავებული, რომლებიც პარლამენტში მიმდინარე ღონისძიებაში რუსი დეპუტატების მონაწილეობას აპროტესტებენ.
„ევროპული საქართველოს“ წევრმა აკაკი ბობოხიძემ რუსი დეპუტატების მიმართულებით პარლამენტის ტრიბუნიდან წყალი გადაასხა. „ევროპული საქართველოს“ წევრი პარლამენტის თავმჯდომარის სავარძელთან სხვა ოპოზიციონერ დეპუტატებთან ერთად იდგა, როდესაც რუსმა დეპუტატმა ადგილიდან გარკვეული რეპლიკა ისროლა. ამას ბობოხიძის გაღიზიანება მოჰყვა, რის შემდეგაც მან რუს დეპუტატს პასუხი დაუბრუნა და წყალი გადაასხა.
პარლამენტის სასესიო დარბაზში გამორთული მიკროფონების გამო, უცნობია რა განცხადებები გააკეთეს ერთმანეთის მისამართით აკაკი ბობოხიძემ და რუსმა დეპუტატმა.
სასესიო დარბაზში იმყოფებიან სესიის მონაწილე დელეგატები სხვადასხვა ქვეყნებიდან, რომელთაც განცხადებებით საქართველოს პარლამენტის ოპოზიციონერი დეპუტატები მიმართავენ.
სიახლეები
- "სამარცხვინო რეზოლუციით ქართველ ხალხს გვითხრეს, გავათავისუფლოთ კრიმინალი სააკაშვილი და დასანქცირდეს ბიძინა ივანიშვილი, რომელმაც ეს ქვეყანა სიცოცხლის ფასად გადაარჩინა"
- "ჩანაწერი ვიზალიბერალიზაციაზე, რომელსაც 27-ვე სახელმწიფოს თანხმობა სჭირდება, რეზოლუციის ინიციატორი ევროპარლამენტარების მხრიდან მორიგი თაღლითობა და შანტაჟია"
- "ევროპამ უნდა აჩვენოს, რომ აშშ-ის ვასალი არ არის" - ემანუელ მაკრონი
- არასამთავრობო ორგანიზაციების წარმომადგენლები აცხადებენ, რომ ხელისუფლებასთან თანამშრომლობას აჩერებენ
- ევროპარლამენტი სააკაშვილის გათავისუფლებას, ივანიშვილის დასანქცირებას, ლგბტ პროპაგანდის წინააღმდეგ ცვლილებებისა და გამჭვირვალობის კანონპროექტის გაწვევას ითხოვს