March 28, 2024

გუნდის საწინააღმდეგო გადაწყვეტილებისას, ყველაფრისთვის მზად უნდა იყო — კაკულია უმრავლესობის დატოვებაზე

ქართული ოცნების დეპუტატი რომან კაკულია აცხადებს, რომ ნიკა მელიას პატიმრობის ნებართვაზე უარი ქართული ოცნების მიმართ პროტესტის ან დემარშის გამოსახატად არ უთქვამს.

 

კითხვაზე, მართალია თუ არა, რომ ის ამ გადაწყვეტილების შემდეგ უმრავლესობას დატოვებს, დეპუტატი პასუხობს, რომ "დღეს ამის სურვილი არ აქვს".

"როცა გუნდის საწინააღმდეგო გამოდის შენი გადაწყვეტილება, ცხადია, მზად უნდა იყო ყველაფრისათვის, არც არანაირი პრეტენზია არ მაქვს და არც უკმაყოფილება მექნება, თუ ასეთი ტიპის გადაწყვეტილება იქნება განხილული. ჩვენ საპარლამენტო ცხოვრებას ყველა ერთად ვსწავლობთ და გადაწყვეტილება კონტექსტებით მიიღება. მე მზად ვარ ყველაფრისთვის და პატივს ვცემ ჩემი კოლეგების გადაწყვეტილებას, რომელიც შეიძლება განსხვავებული იყოს ჩემი გადაწყვეტილებისგან", — განაცხადა რომან კაკულიამ.

მისი თქმით, თუ მისი წასვლის საკითხი დადგება უმრავლესობას პრობლემებს არ შეუქმნის. ის ამბობს, რომ ნიკა მელიას საქმეზე გადაწყვეტილების მიღების პრინციპი ეფუძნება მაღალი სტანდარტის ვარაუდს.

'მე პატივს ვცემ ყველა ჩემი კოლეგის გადაწყვეტილებას. მე უბრალოდ ჩათვალე, რომ საპარლამენტო რესპუბლიკაში მაღალი ხარისხის მტკიცებულება უნდა იყოს წარმოდგენილი. შეიძლება, საზოგადოებაში არ არსებობს არავინ, ვინც ფიქრობ, რომ ასეთი ტიპის ქმედება დასჯადი არ უნდა იყოს. ამ ილუზიაში არ უნდა გაპარულიყო მტკიცებულებათა ხარისხის წარმოდგენა და ხარისხი, რომელსაც ჰქვია საპარლამენტო რესპუბლიკებში დეპუტატის იმუნიტეტის შეწყვეტა. მე ვიხელმძღვანელე ამით და გადავდგი ნაბიჯი, რომ ჩემი პერსონალური წვლილი შევიტანო პარლამენტარის როლი ზრდაში საპარლამენტო რესპუბლიკაში", — განაცხადა რომან კაკულიამ.

საქართველოს პარლამენტმა პროკურატურას უფლება მისცა, რომ ნიკა მელია დაიჭირონ. რომან კაკულია ერთ-ერთია იმ დეპუტატებიდან, რომლებმაც კენჭშისყრაში მონაწილეობისგან თავი შეიკავეს. მასთან ერთად საკუთარი პოზიცია არ დააფიქსირეს ქართული ოცნების დეპუტატებმა, მირიან წიკლაურმა და მარიამ ჯაშმა.

on.ge

წაკითხვა 724 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.